हेटौंडा आएर गगनले भने :जनताको सेवामा जनप्रतिनिधि बाधक नहुनुहोला

१६जेठ,हेटौंडा। नेपाली कांग्रेसका महामन्त्री तथा पुर्व स्वास्थ्य मन्त्री गगन कुमार थापाले  गठबन्धन नेतृत्व दल र कांग्रेसलाई स्थानीय स्तरबाट जनहितको काम गर्न अवसर मिलेकोले जनताले  पाउने सेवामा जनप्रतिनिधिलाई बाधक नहुन अनुरोध गरेका छन्।
सोमबार कांग्रेस हेटौंडानगरको आयोजनमा आसन्न स्थानीय तह सदस्य निर्वाचनमा हेटौंडानगरमा गठबन्धनका तर्फबाट निर्वाचित जनप्रतिनिधिको स्वागत,बधाई तथा सम्मान कार्यक्रमलाई सम्बोधनका क्रममा कांग्रेसलाई जनस्तरबाट काम गर्ने अवसर फेरी जनताले दिलाएकोले  कांग्रेस र गठबन्धन नेतृत्व दलबाट  हेटौंडाका नवनिर्वाचित जनप्रतिनिधिलाई जनताको सेवामा बाधक नहुन जनप्रतिनिधिलाई अनुरोध गरेका हुन्। थापाले कार्यक्रमलाई सम्बोधनका क्रममा जनप्रतिनिधिलाई स्थानीय सरकार जनताप्रति जिम्मेवार रहन केही 'मन्त्र' समेत सुनाएका थिए। 
कार्यक्रमका प्रमुख अतिथि समेत रहेका थापाले स्थानीय सरकारलाई सहयोग गर्न संघ र प्रदेश सरकार लागिरहेको उदघोष गरेका थिए। जनताले बहुमत दिएको नेकपा एमाले नेतृत्वको सरकारको हावादारी कुराले  जनताको राजनीतिक दलप्रति आक्रोश पैदा भएको आरोप लगाउदै  एमालेको नेतृत्वमा राजनीतिक संस्कार र जनभावना विपरितका गतिविधि भएपछि आम जनता राजनीतिक दलप्रतिनै बिच्किएको आरोप लगाएका छन्। "अहिलेको सन्दर्भमा गठबन्धन सरकार आवश्यक छ,गठबन्धन नेतृत्वमा निर्वाचित सबै जनप्रतिनिधिलाई धन्यवाद दिनचाहन्छु, जनताको हितमा काम गर्नुहोस,शुभकामना व्यक्त गर्दछु"।-थापाले भने। 
नेपाली कांग्रेस हेटौंडानगर सभापति उत्सव इटेनीको सभाध्यक्षतामा सम्पन्न कार्यक्रममा कांग्रेस सहमहामन्त्री महालक्ष्मी उपाध्याय डिना,प्रतिनिधिसभा सदस्य एव कांग्रेस नेता देवी प्रसाद,तिमल्सिना,कांग्रेस वागमती प्रदेश सभापति इन्द्रबहादुर बानियाँ,कांग्रेस मकवानपुर सभापति बुद्ध लामा,हेटौंडाकी नगर प्रमुख मिना कुमारी लामा,नगर उपप्रमुख राजेश बानियाँ लगायतले मन्तव्य व्यक्त गरेका थिए ।
कार्यक्रममा कांग्रेस मकवानपुर उपसभापति आनन्द कठायत,सह-सचिव इन्दिरा न्यौपाने,कांग्रेस मकवानपुर प्रवक्ता अर्जुनप्रसाद चौलागाई,निवर्तमान कार्यवाहक सभापति विष्णुप्रसाद लामिछाने,कांग्रेस मकवानपुरका पुर्व सभापति माइकल रामचन्द्र अर्याल,कांग्रेस क्षेत्र नम्बर-१ का सभापति दामोदर खनाल,कांग्रेस नेता आनन्दराम पराजुली लगायत स्थानीय तह निर्वाचनमा हेटौंडाका विभिन्न वडामा निर्वाचित जनप्रतिनिधिरुको उपस्थिती रहेको थियो ।