बालक हत्याको विरोधमा झापा तनावग्रस्त 

फोटोः सोसल मिडीया

१०  कार्तिक , झापा । झापामा बालक हत्याको विरोधमा स्थानीयले निकालेको  र्‍यालीमा प्रहरीले  हस्तक्षेप गरेको विषयमा प्रहरी र स्थानीय बिच झडप हुँदा प्रहरीले तीन राउण्ड हवाई फायर गर्नुका साथै अनिश्चितकालको लागि कर्फ्यू  लगाएको छ।

झापाको अर्जुनधारा नगरपालिका ११ का ११ वर्षीय लक्ष्मण शिवाकोटीको हत्या भएको भएपनि प्रहरी कार्यालयले मुद्दा दर्ता गर्न नमानेको  हत्यारालाई कानूनी कारवाहीको माग गर्दै निकालिएको शान्तिपूर्ण विरोधलाई प्रहरीले दमन गरेको भन्दै आन्दोलित स्थानीय सर्वसाधारले प्रहरीमाथि ढुंगा प्रहार गरेका हुन । स्थानीय सर्वसाधारको ढुंगा प्रहारबाट जिल्ला ट्राफिक प्रहरी कार्यालय, मेयर कार्यालय लगायतका सरकारी कार्यालयहरुमाथि तोडफोड गरेपछी स्थितिलाई नियन्त्रणमा लिन अश्रुग्यास  प्रहार गरेको जिल्ला प्रहरी कार्यलय झापाका एसपी विष्णु केसीले जानकारी दिए । यता प्रहरीले दोषीलाई कारबाहीको दायरामा नल्याएको भन्दै मृतक शिवाकोटीका आफन्त तथा स्थानीयबासीले शुक्रबार विर्तामोड बन्दको घोषणा समेत गरेका थिए । अहिले बिर्तामोडको स्थिती तनावग्रस्त भएपछि दिउँसो साँढे एक बजेदेखि बिर्तामोड आसपासको क्षेत्रमा अनिश्चितकालको लागि कर्फ्यू लगाएको जिल्ला प्रहरी कार्यालय झापाले जनाएको छ ।