संघीयता कार्यान्वयन सम्बन्धी संककल्प प्रस्ताव लागु गर्न निर्देशन 

१९ जेष्ठ, हेटौंडा । राष्ट्रिय सभा बैठकले संघीयता कार्यान्वयनसम्बन्धी संकल्प प्रस्ताव कार्यान्वयन गर्न सरकारलाई निर्देशन दिएको छ । बिहीबार बसेको राष्ट्रिय सभा बैठकले सङ्घीयता कार्यान्वयन सम्बन्धी संकल्प प्रस्ताव पारित गर्दै कार्यान्वयन गर्न सरकारलाई निर्देशन दिएको हो । 
आजको छलफलमा भाग लिँदै सांसद्हरूले सरकारका तहहरूबीचको सम्बन्ध, सहकारिता, सहअस्तित्व समन्वयका सिद्धान्तका आधारमा हुन नसकेको भन्दै सङ्घीयताको प्रभावकारी कार्यान्वयन गर्न सरकारको ध्यानाकर्षण गराएका थिए । उनीहरूले सङ्घीयताको मर्मअनुसारका तीनै तहका राज्य सञ्चालन हुनुपर्नेमा जोड दिए । 
छलफलमा भाग लिँदै सांसद सुरेशकुमार आले मगरले स्रोत र शक्तिको बाँडफाँट सङ्घीयताको मूल मर्म भएको उल्लेख गर्दै केन्द्रीकृत सत्ताले स्रोत र शक्तिमा एकाधिकार जमाएकाले जनताले विद्रोह गर्नुपरेको दावी गरे । यस्तै सांसद कमला पन्तले सङ्घीयताले जनताको घरदैलोमा अधिकार पु¥याउन सक्नुपर्नेमा जोड दिइन ।
यसैगरी सांसद रामचन्द्र राईले व्यवस्था परिवर्तन भए पनि जनताको अवस्था परिवर्तन नभएको गुनासो गर्दै सङ्घीयताको मर्ममा समावेशीता भए पनि उक्त मुद्दालाई ओझेलमा पारिएको अरोप लगाए ।