वातावरण दिवसमा नवोदयको जनचेतनामूलक नाटक तथा सास्कृतिक कार्यक्रम

२३ जेठ, हेटौंडा । ५० औँ विश्व वातावरण दिवसको अवसरमा हेटौंडा ४ मा रहेको नवोदय शिशु सदन अङ्ग्रेजी माध्यमिक विद्यालयमा आइतबार सचेतनामूलक नाटक प्रस्तुत गरी वातावारण सप्ताहा समापन गरिएको छ । 
विद्यमान परिवेशमा वातावरण प्रदूषण कसरी भइरहेको छ र यसलाई कसरी न्यूनीकरण गर्न सकिन्छ भन्ने विषयमा विद्यार्थीहरुले नाटक प्रस्तुत गरेका थिए । यस्तै विद्यार्थीहरुले विश्व वातावरण दिवसका आवसरमा वातावरण सम्बन्धी विभिन्न गीत तथा नृत्य प्रस्तुत गरेका थिए । 
यसअघि वातावरण दिवसको अवसरमा सप्ताहव्यापी कार्यक्रमको आयोजना गर्दै विद्यालयले  बस्तीपुर, हटियामा रहेको जनप्रिय उच्च मावि र हेटौंडाको बुद्धचोकमा विविध सांस्कृतिक कार्यक्रम गर्नुको साथै वातावरण सम्बन्धी चित्रकला प्रस्तुत गरेका थिए । 
विद्यालय कक्षा ३, ४ का विद्यार्थीहरुले मानसचोक, सङ्गमचोक, सानोपोखरा र मनकामना चोकमा वातावरण पुलिस कार्यक्रम सञ्चालन गर्नुका साथै ¥याली तथा पशुपति मन्दिर परिसर सरसफाई गरेका थिए । 
यस्तै विद्यालयस सञ्चालन गरेको मोवाइल फोटोग्राफी प्रतियोगितामा प्रहस्थ खड्का प्रथम, दृष्टि प्रधान द्वितीय र इप्सा लामिछाने तृतीय हुन सफल भएका छन् । नवोदय विद्यालयका सहायक प्रधानाध्यापक दुर्गा प्रसाद भट्टराईको अध्यक्षतामा भएको कार्यक्रममा हेटौंडा उपमहानगरपालिका शिक्षा विकास महाशाखा प्रमुख गंगाधर रिमालको प्रमुख आतिथ्यता रहेको थियो ।