जनप्रिय माध्यमिक विद्यालयमा क्याप्टेन छनौट गर्न निर्वाचन

४ असार,हेटौंडा। हेटौंडा-१६ मा रहेको जनप्रिय माध्यमिक विद्यालयमा सदन क्याप्टेन तथा उपक्याप्टेन छनौट गर्न निर्वाचन गरेको छ।विद्यालय स्तरमा अध्ययन गर्ने विद्यार्थीहरुलाई निर्वाचन प्रकृयाको बारेमा जानकारी दिने उद्देश्य सहित विद्यालय तथा सदन क्याप्टेन छनौट गर्न निर्वाचन गरिएको विद्यालयले जनाएको छ। 
शुक्रबार भएको सो निर्वाचनमा चारवटा सदनका ४ वटा निर्वाचन बुथ कायम गरिएको थियो । निर्वाचनमा चारवटा सदनका ४ हाउस क्याप्टेन तथा ८ जना उपक्याप्टेन चुनिएका हुन् । जसमध्ये सर्वाधिक १०८ मत  प्राप्त गर्ने कक्षा १० की सुरक्षा घिमिरे रातो सदनकी क्याप्टेन चुनिएकी हुन्।यस्तै १०५ मत प्राप्त गरी कक्षा १० का अनुसन्धान चापागाईँ सोही सदनका उपक्याप्टेन चुनिए भने प्राविधिकतर्फबाट आमोस राई निलो सदनको क्याप्टेन तथा मधुकुमारी ठाकुर सोही सदनकी उपक्याप्टेन चुनिएकी हुन् । हरियो सदनतर्फ नेपाली माध्यमबाट अरुण मिश्र क्याप्टेन तथा निरज बलामी उपक्याप्टेन चुनिँदा मिश्रले ६६ र बलामीले १०३ मत प्राप्त गरेका थिए । 
विद्यार्थीहरूले नमूना मतपत्र, चुनाव चिन्ह,प्रचारप्रसार तथा मौन अवधि सबै निर्देशनहरूको पूर्णरुपमा पालना गरेका थिए।साथै उनीहरूले कक्षा कक्षामा गई आफ्नो एजेण्डासहित आफ्नो चिन्हमा मतदानका लागि आह्वान गरेका थिए ।

विद्यालयका शिक्षक अभिभावक सघं समिति सदस्य बुद्धप्रसाद दाहाल तथा गोविन्द दुलाल सहित विद्यालयका प्रधानाध्यापक नमराज अर्याल तथा सहायक प्रअ रामआशिष मण्डल, ११/१२ संयोजक कल्याणकृष्ण प्याकुर्‍याल, मावि तह संयोजक नीर बहादुर खड्का, रविन श्रेष्ठ, प्राथमिक तह संयोजक केपि अधिकारी, व्यवस्थापन समिति शिक्षक प्रतिनिधि  बिष्णुहरी गौतम लगायतको सहभागिता  रहेको थियो। कार्यक्रममा शिक्षा विकास महाशाखाका उपसचिव गंगाधर रिमाल, शिक्षा अधिकृत रामचन्द्र खड्का तथा नायब सुब्बा राजमणि अधिकारी समेतको आतिथ्यता रहेको थियो।