निकुञ्जको कारण हेटौंडा १२ तल्लो रमन्टार खानेपानीको काममा अवरोध

google

१२ असार, हेटौंडा । पर्सा राष्ट्रिय निकुञ्जको ज्यादतीका कारण मध्यवर्ती क्षेत्रमा पर्ने बस्तीमा विकास निर्माणको काममा अवरोध हुने गरेको छ । गाउँको अत्यावश्यक क्षेत्रको विकासमा समेत निकुञ्जले अवरोध पु¥याउने गरेको गुनासोहरु बेलाबखत आउने गरेको छ । 
यस्तैमा हेटौंडा उपमहानगरपालिका–१२ मा रहेको तल्लो रमन्टार खानेपानी व्यवस्थापन उपभोक्ता समितिको लागि विनियोजन भएको बजेट पर्सा राष्ट्रिय निकुञ्जले काम गर्ने अनुमति नदिँदा फ्रिज हुने भएको छ । 
उक्त क्षेत्रमा सम्पवेल र गार्ड हाउस बनाउनका लागि निकुञ्जले इजाजत नदिएका कारण बजेट फ्रिज हुने अवस्थामा पुगेको उपभोक्ता समितिका अध्यक्ष कुमार पोखरेलले जानकारी दिए । इजाजत लिन जाँदा मन्त्रीपरिषद्को निर्णय लिएर आउनु भन्ने निर्देशन दिएको उनले गुनासो गरे । 
संघीय खानेपानी तथा ढल व्यवस्थापन कार्यालय हेटौंडाका इन्जिनियर सुरज केसीले उक्त परियोजनाको लागि बजेट छुट्याइए पनि तोकिएको समयमा काम हुन नसक्दा बजेट फ्रिज हुने अवस्थामा पुगेको बताए । 
यता पर्सा राष्ट्रिय निकुञ्जका रेन्जर विवश कलौनीले सार्वजनिक क्षेत्रमा पर्ने जग्गाको अनुमति निकुञ्जले दिन नमिल्ने प्रतिक्रिया दिए । तटबन्धन गर्न, बाटो ग्राबेल गर्न निकुञ्जले कुनै किसिमको रोकतोक भने नगरेको कलौनीले दावी गरे ।