हेटौंडामा लागुऔषध तथा अवैध तस्करी विरुद्धको दिवसमा प्रभातफेरी

१२,असार,हेटौंडा। हेटौंडामा अन्तराष्ट्रिय लागु औषध तथा अवैध तस्करी विरुद्धको  दिवसको अवसरमा प्रभातफेरी कार्यक्रमको आयोजना गरिएको छ। 

रिकभरी नेपाल मकवानपुरको आयोजना तथा बागमती प्रदेश प्रहरी कार्यालय हेटौडा र जिल्ला प्रहरी कार्यालय मकवानपुरको समन्यवमा उक्त दिवसको अवसरमा प्रभातफेरी कार्यक्रमको आयोजन गरिएको हो। 

जिल्ला समन्वय समिति मकवानपुरका प्रमुख ललित घलानको प्रमुख आतिथ्यतामा भएको कार्यक्रममा बागमती प्रदेश प्रहरी कार्यालय हेटौडाका निमित्त  प्रमुख प्रहरी वरिष्ठ उपरीक्षक  ध्रुव बहादुर राउतको विशिष्ट आतिथ्यता रहेको थियो। 
कार्यक्रममा जिल्ला प्रहरी कार्यालय मकवानपुरका कार्यालय प्रमुख प्रहरी उपरीक्षक श्री सुरेन्द्र बहादुर गुरुङ्ग, बागमती प्रदेश सशस्त्र प्रहरी दंगा नियन्त्रण गण हेटौडा मकवनापुरका कार्यालय प्रमुख प्रहरी उपरीक्षक बिर बहादुर ओली,सशस्त्र प्रहरी बल नेपाल नं. १४ गण रोटोमाटे,सामुदायिक प्रहरी सेवा उप केन्द्र बसपार्कका अध्यक्ष प्रदिप कंडेल,मानवअधिकारकर्मी ,विभिन्न संघसंस्था,सुधार केन्द्रका प्रतिनिधी,विभिन्न संस्थागत विद्यालयका विद्यार्थीहरु, जिप्रका मकवानपुरका प्रहरी नायब उपरीक्षक टेक बहादुर कार्की,बागमती प्रदेश प्रहरीका  डिएसपी मधु कुमार थापा,लगायत सरोकारवाला निकाय, पुर्व प्रहरी संगठनका प्रतिनिधिहरु, स्थानिय जनप्रतिनिधिहरुको सहभागिता रहेको थियो। 
"बनाऔ लागु औषध मुक्त गाँउ सहर, मिलेर संघ, प्रदेश अनि स्थानिय सरकार" नारा सहित आयोजित प्रभातफेरी हेटौंडा बजारको परिक्रमा गरेर बुद्धचोकमा आएर समापन भएको थियो।