कम क्षतिमै निजगढ विमानस्थल बनाउँछौः प्रधानमन्त्री देउवा

१८ असार, हेटौंडा । प्रधानमन्त्री शेरबहादुर देउवाले कम क्षतिमा प्रस्तावित निजगढ अन्तर्राष्ट्रिय विमानस्थलमा दुईवटा रनवे सञ्चालनमा आउने गरी काम थाल्ने दावी गरेका छन् ।
सत्तारुढ दलका शीर्ष नेतासहित, मन्त्री र विज्ञहरुको टोली लिएर शनिवार निर्माण स्थलको अवलोन गर्न पुगेका प्रधानमन्त्री देउवाले कम क्षतिमा विमानस्थल निर्माण गरिने दावी गरेका हुन् ।
त्रिभुवन विमानस्थलमा समय समयमा ल्यान्ड गर्न नपाएर घण्टौ आकाशमा होल्ड हुने गरेको र कतिपय अवस्थामा भारत पठाउनुपर्ने अवस्था रहेको स्मरण गराउँदै जसरी पनि निजगढ विमानस्थल बनाउनुनर्पे बताए । उनले विमानस्थल निर्माण्मा स्थानीय र प्रदेश सरकराको पनि सहयोग हुनुपर्नेमा जोड दिए । 
देशमा थप एउटा विमानस्थल आवश्यकता भइसकेको दावी गर्दै निजगढ अन्तर्राष्ट्रिय विमानस्थलो लागि उपयुक्त ठाउँ भएको प्रधानमन्त्री देउवाले जिकिर गरे । उनले गठबन्धन सरकारको अबको काम निजगढ बिमानस्थल निर्माण गर्नु रहेको उल्लेख गर्दै विधि र प्रक्रिया पूरा गरेर निजगढ विमानस्थल निर्माण सम्पन्न गर्ने बताए ।
उक्त अवसरमा सत्ता साझेदार दल नेकपा (माओवादी केन्द्र)का अध्यक्ष एवं पूर्व प्रधानमन्त्री पुष्पकमल दाहाल प्रचण्ड, नेकपा (एकीकृत समाजवादी)का अध्यक्ष एवं पूर्व प्रधानमन्त्री माधवकुमार नेपाल सहित अर्थमन्त्री जनार्दन शर्मा, खानेपानी मन्त्री उमाकान्त चौधरी, बागमती प्रदेशका मुख्यमन्त्री राजेन्द्र पाण्डे लगायतको उपस्थिति रहेको थियो ।