मातृभूमिद्वारा विभिन्न क्षेत्रका ६ जना व्यक्तित्व सम्मानित

२६ असार, हेटौंडा । मातृभूमि साहित्य समाज मकवानपुरले शनिवार एक समारोहकाबीच विभिन्न क्षेत्रमा योगदान पु¥याएका ६ जना व्यक्तित्वहरुलाई सम्मान गरेको छ । समाजले नगद १५ हजार राशीको शेखर शर्मा रिजाल स्मृति मातृभूमि शैक्षिक सम्मान २०७८ बाट मकवानपुरका गोकुललाल श्रेष्ठ र नीरा गोर्खालीलाई सम्मान गरेको छ । 
यस्तै नगद १५ हजार राशीको श्याम श्रेष्ठ स्मृति मातृभूमि पुरस्कार २०७८ बाट मकवानपुरका समाजसेवी सिद्धिलाल श्रेष्ठलाई सम्मान गरिएको छ भने १५ हजार नगद राशीकै ईश्वरी स्मृति मातृभूमि पुरस्कार २०७८बाट काठमाडौंकी पत्रकार सुष्मा केसी पुरस्कृत एवं सम्मानित भएकी छन् ।
यसैगरी समाजले १० हजार राशीको हातेमालो मातृभूमि युवा सृजनशील सम्मान २०७८ बाट मकवानपुरकी गायिका सुनिता बुर्लाकोटी लुईंटेललाई सम्मान गरेको छ । शनिवारनै भएको कार्यक्रममा ७ हजार ५ सय राशीको झलकबहादुर बानियाँ जीवन संघर्ष मातृभूमि सम्मान २०७८ बाट कमला आधारभूत विद्यालयमा कक्षा ७ मा अध्ययनरत सृजना लो सम्मानित भएकी छन् ।
मातृभूमि साहित्य समाज मकवानपुरका अध्यक्ष माधव पोख्रेलको सभाध्यक्षतमा भएको सम्मान समर्पण कार्यक्रममा हेटौंडा उपमहानगरपालिकाकी मेयर मीनाकुमारी लामाको प्रमुख आतित्थ्यता रहेको थियो ।
कार्यक्रममा सर्जक सन्जाल मकवानपुरका अध्यक्ष निमेष निखिल, साहित्य संगम मकवानपुरका अध्यक्ष अनिता न्यौपाने, समाजका संरक्षक ह्यग्रीव आचार्य, साहित्यकार देवराज खरेल, साहित्यकार आरसी रिजाल लगायतको आतिथ्यता रहेको थियो । 
यसअघि शनिवारपनि एक कार्यक्रमकाबीच समाजले महालक्ष्मी बैंकसंगको सहकार्यमा ५१ हजार राशीको साहित्य पुरस्कार श्रवण मुकारुङ र केशवलाल स्मृति मातृभूमि पत्रकारिता पुरस्कार मकवानपुरे अग्रज पत्रकार दाहाललाई प्रदान गरेको थियो ।