रानी र चुच्चेखोला वनमा बुद्धको अवलोकन

११साउन,हेटौडा । लुम्बिनी प्रदेशको कपिलवस्तुमा रहेको बुद्ध सामुदायिक वन उपभोक्ता समूहका पदाधिकारीहरुले हेटौडामा रहेका २ वटा सामुदायिक वनको अवलोकन गरेका छन ।समूहले हेटौडा–६ मा रहेको रानी सामुदायिक वन र हेटौंडा-१७ चुच्चेखोलामा चुच्चेखोला  सामुदायिक वनको अवलोकन गरेका हुन ।

अवलोकनकर्ताहरुलाई स्वागत गर्दै रानी सामुदायिक वनका कार्यालय सचिव भीमसेन पौडेलले समूहले गरेका विभिन्न गतिविधिहरुको बारेमा जानकारी गराएका थिए। कार्यालय सचिव पौडेलले समूहको ऐतिहासिक पृष्ठभूमि, वनको व्यवस्थापन,सदुपयोग,आयआर्जन,सामाजिक कार्य, संस्थागत विकास, महिला सहभागिता, पर्यापर्यटन, स्वास्थ्य, शिक्षा लगायतका विषयहरुमा सहभागिहरुलाई जानकारी गराएका थिए।

बुद्ध सामुदायिक वनका अध्यक्ष नारायण घिमिरेको नेतृत्वमा आएको भ्रमण दलमा समूहका पदाधिकारी, उपभोक्ता र कर्मचारी समेतको सहभागिता थियो । भ्रमण टोलीले समूहद्वारा निर्माण भैरहेको विपि गणेशमान शान्ति पार्कको समेत अवलोकन गरेका थिए । त्यसैगरी सो समूहले चुच्चेखोला सामुदायिक वनको पनि अबलोकन गरेको थियो। सो अवसरमा चुच्चेखोला सामुदायिक वनका अध्यक्ष अर्जुन प्रसाद दाहाल र कार्यालय सचिव केदार प्रसाद गौतमले समूहले गरेका विभिन्न कार्यहरुको बारेमा जानकारी गराएका थिए।