मकवानपुरका उम्मेदवार आचारसंहिताप्रति प्रतिवद्ध

२० कार्तिक, हेटौडा । आसन्न प्रतिनिधि र प्रदेश सभा निर्वाचनमा मकवानपुरका उम्मेदवारले निर्वाचन आयोगले जारी गरेको निर्वाचन आचारसंहिता पालना गर्ने प्रतिवद्धता व्यक्त गरेका छन् । 
मूख्य निर्वाचन अधिकृतको कार्यालय मकवानपुरले गरेको आचारसंहिता पालनासम्बन्धी छलफलमा उनीहरुले आचारसंहिताको पालनामा प्रतिवद्धता व्यक्त गरेका हुन् । कार्यक्रममा प्रचार सामग्रीको प्रयोग, सवारी साधनको प्रयोग, आचारसंहिताले रोक लगायतका गतिविधि लगायतका विषयमा उम्मेदवारहरुलाई अवगत गराईएको थियो । 
कार्यक्रममा बोल्दै सबै उम्मेदवारहरुले निर्वाचन आचारसंहिता निर्वाचनलाई मर्यादित र व्यवस्थित गर्नका लागि बनाईएकाले यसको पालनामा सरोकारवाला सबै तत्पर हुनुपर्नेमा बताएका थिए । आफुहरु निर्वाचन आचारसंहिता पालनामा पूर्ण प्रतिवद्ध रहेको भन्दै उल्लंघनको अवस्था आए आयोगले कारवाही गर्नुपर्नेमा जोड दिएका थिए । 
कार्यक्रममा मूख्य निर्वाचन अधिकृत खडानन्द तिवारी, निर्वाचन अधिकृतहरु, मकवानपुरका प्रमुख जिल्ला अधिकारी चक्रबहादुर बुढा, प्रहरी प्रमुख विकासराज खनाल लगायतले आप्mनो क्षेत्रका जिज्ञासाको जवाफ दिएका थिए । 
कार्यक्रममा विभिन्न राजनैतिक दल र स्वतन्त्र उम्मेदवार र पत्रकारहरुको सहभागिता रहेको थियो ।