एसपी गौतमलाई सामुदायिक सेवा केन्द्र पशुपतिनगरको स्वागत

२२ साउन , हेटौंडा ।  सामुदायिक सेवा केन्द्र मकवानपुर तथा सामुदायिक प्रहरी सेवा केन्द्र हेटौंडा पशुपतिनगरले जिल्ला प्रहरी कार्यालय मकवानपुरका प्रमुख प्रहरी उपरिक्षक बामदेव गौतमलाई  स्वागत गरेको छ।
सेवा केन्द्रले  स्वागत,परिचयात्मक कार्यक्रम सहित  सामाजिक सुरक्षा ,आत्माहत्या सम्बन्धि न्युनिकरण विषयमा छलफल तथा अन्तरकृया समेत गरिएको हो ।

सामुदायिक सेवा केन्द्र मकवानपुरका अध्यक्ष राम बिष्टको सभाध्यक्षमा भएको कार्यक्रमा बोल्दै प्रहरी प्रमुख  गौतमले पुनः मकवानपुर आएर काम गर्न पाउदा आफ्नै घर आएकाे महशुस गरेकाे बताए। उनले हेटौंडा लगायत मकवानपुर जिल्ला हरेक समस्यालाई समुदाय संगै हातेमालो गर्दै समाधान गर्ने  भन्दै स्वागत तथा परिचयात्मक कार्यक्रमले थप जिम्मेबार बन्ने दायीत्व थपेको बताए । 
यस्तै कार्यक्रममा सामुदायिक सेवा केन्द्र मकवानपुरका मानार्थ सदस्य रघु खुलालले  केन्द्रकाे कार्यकाे चर्चा गर्दै प्रहरी प्रमुख गौतमलाई स्वागत तथा शुभकामना दिदै शान्ति सुरक्षा,लागु औषध लगाएत विषयमा धारण राखेका थिए। 
उक्त अवसरमा सामुदायिक सेवा केन्द्रका अध्यक्ष विष्टले सामुदायिक सेवा केन्द्रले गरेका गतिविधिको जानकारी जिल्ला प्रहरी कार्यालय लाई हरेक समय सहयोग गर्न तत्पर रहेको बताए ।
कार्यक्रममा केन्द्रका मानार्थ सदस्य अरूणराज सुमार्गी,सिताराम बर्तौला,प्रकाश पौडेल ,ईलाका प्रहरी कार्यालय पशुपीनगरका प्रहरी निरीक्षक सुमन बाँनिया,विधालय व्यवस्थापन समितिका अध्यक्ष रामचन्द्र ढुङ्गाना,सेवाकाे लागि युवाका टिम लिडर बिवश सुबेदी ,हेटौंडा - १० उप-केन्द्रका अध्यक्ष प्रदिप कँडेल, पुष्पाञ्जली आमा समूह,विभिन्न उप-केन्द्र  संघ,संस्थाहरूकाे प्रतिनिधिहरुको उपस्थिति रहेको थियो ।