काँग्रेसको हेटौंडा नगरमा निर्वाचन परिचालन समिति

२१ कार्तिक ,हेटौंडा। नेपाली काँग्रेसको  हेटौंडा उपमहानगरमा निर्वाचन परिचालन समिति गठन भएको छ ।
नेपाली काँग्रेस हेटौंडा उपमहानगर समितिका सभापति आनन्दराम पराजुलीको   सभाध्यक्षतामा  नगर समितिको सोमबार बसेको बैठकले आसन्न प्रतिनिधि सभा र प्रदेश सभाको निर्वाचका लागी पराजुलीको संयोजकत्वमा ५१ सदस्यीय हेटौंडा उपमहानगर निर्वाचन परिचालन समिति गठन गरेको पार्टी प्रवक्त प्रदिप कोईरालाले बताए ।

बैंठकमा प्रमूख अथिति नेपाली काँग्रेसका केन्द्रीय सदस्य एवं प्रतिनिधिसभा क्षेत्र २ की उम्मेदवार महालक्ष्मी उपाध्याय डिना,  काँग्रेस जिल्ला सभापति एवं प्रतिनिधिसभा २ को प्रदेश २ का उम्मेदवार ईन्द्रबहादुर बानियाँ र १ का यतिराज सापकोटा, प्रतिनिधि सभा १ को प्रदेश सभा १ र २ का उम्मेदवारहरु धर्म लामिछाने र अशोक शाक्य, निवर्तमान सभापति रघुरमण न्यौपाने, दिनेश उपाध्याय, निर्वाचित वडा अध्यक्षहरु राजेश बानियाँ, अर्जुन चौलागाई, सविन न्यौपाने, तरुण दल नगर अध्यक्ष सुनिल गिरी, धनबहादुर गुरुङ, शालिकराम अधिकारी, पुरुषोत्तम अधिकारी, महिला संघ नगर अध्यक्ष लक्ष्मी गौतमलगायतले निर्वाचनको भावी रणनीतिको बारेमा मन्तव्य व्यक्त गरेका थिए।