तामाङ प्रसारण दिवसमा अन्तरक्रियाको आयोजना

२ भदौ, हेटौंडा । २८ औं तामाङ प्रसारण दिवसको अवसरमा बुधबार हेटौंडामा तामाङ पत्रकारहरुको अवस्था, अवसर र चुनौती विषयक अन्तरक्रिया तथा जनप्रतिनिधि सम्मान कार्यक्रमको आयोजना गरिएको छ । 
कार्यक्रम तामाङ पत्रकार संघ मकवानपुर शाखाले आयोजना गरेको हो । तामाङ पत्रकार संघ मकवानपुरका अध्यक्ष जयराम मोक्तानको अध्यक्षतामा भएको कार्यक्रममा जिल्ला समन्वय समिति मकवानपुरका प्रमुख ललित कुमार घलानको प्रमुख आतिथ्यता रहेको थियो । 
दिवसको अवसरमा समृद्ध समाज दैनिककी संवाददाता जमुना थिङलाई सम्मानित गरिएको छ । पत्रबार थिङलाई तामाङ पत्रकार संघले नगद २ हजार ५ सय रुपैयाँ, नेपाल पत्रकार महासंघ बागमती प्रदेशका उपाध्यक्ष रुपेश दुलालले व्यक्तिगत २ हजार ५ सय रुपैयाँ र तामाङ पत्रकार संघ मकवानपुरका संस्थापक आदर्श थोकरले व्यक्तिगत नगद ५ सय रुपैयाँ गरी ५ हजार ५ सय रुपैयाँसहित जमुनालाई सम्मान गरिएको हो ।
कार्यक्रममा कार्यक्रममा नेपाल तामाङ घेदुङ संघ बागमती प्रदेशका अध्यक्ष लिलाकुमार घलान, हेटौंडा उपमहानगरपालिकाका प्रमुख मिनाकुमारी लामा, उपप्रमुख राजेश बानियाँ, भिमफेदी गाउँपालिका अध्यक्ष हिदम लामा, राक्सिराङ गाउँपालिकाका अध्यक्ष राजकुमार मल्ल, मकवानपुर गढी गाउँपालिकाका अध्यक्ष दोर्जे लामा स्याङ्तान लगायतको आतिथ्यता रहेको थियो ।