वडा समन्वय समिति हेटौडा–६ मा खतिवडा

२ भदौं हेटौडा । टोल विकास संस्था वडा समन्वय समिति हेटौडा–६ को अध्यक्षमा बासुदेव खतिवडा निर्वाचित भएका छन  भदौ १ गते बुधबार साँझ भएको निर्वाचनमा खतिवडा ३९ मत प्राप्त गरेर विजयी हुन भएको हो । वहाका प्रतिस्पर्धी बलभद्र खतिवडाले ३७ मत प्राप्त गरेका थिए ।
उपाध्यक्षमा रमेश कुमार थापा ४२ मत प्राप्त गरि  विजयी भएका थिए भने बहाका निकटतम प्रतिद्धन्दी हरिप्रसाद दाहालले ३३ मत प्राप्त गरेका थिए । सचिवमा राजकुमार फुयाँल ३८ मत प्राप्त गरि विजयी भएका थिए भने वहाका निकटतम प्रतिद्धन्दी हरिकृष्ण पुडासैनीले ३७ मत प्राप्त गरेका थिए । यसैगरि कोषाध्यक्षमा नानीमाया रुम्वा ४० मत प्राप्त गरि विजयी भएका थिए भने वहाका निकटतम प्रतिद्धन्दी शोभा घिमिरेले ३३ मत प्राप्त गर्नु भएको थियो ।त्यसैगरि सदस्यहरुमा जीवकुमारी पौडेल, निर्मला राई, पवित्रा अधिकारी, पवित्रा थापा, मदन न्यौपाने, शोभा ढुङगाना र सविना गुरुङ निर्वाचित भएको निर्वाचन समितिका संयोजक रुपेश दुलालले बताए। 

समन्वय समितिको श्रावण २८ गतेका दिन भएको साधारणसभामा सर्वसम्मत नेतृत्व चयन हुन नसके पछि वडामा क्रियाशिल विभिन्न पार्टीहरुले प्यानल बनाएर निर्वाचनमा होमिएका थिए । नेपाली काँग्रेस, नेकपा एमाले, नेकपा माओवादी केन्द्र, नेकपा एकिकृत समाजवादी, राप्रपा र राप्रपा नेपाल लगायत पार्टीहरुले गठबन्धनै बनाएर निर्वाचनमा गएका थिए । निर्वाचनमा ७७ मत खसेको थियो भने १ मत बदर भएको थियो ।

निर्वाचन गराउनको लागि रुपेश दुलाल संयोजक सुनिल शिवाकोटी र चन्द्रावती पनेरु सदस्य रहेको ३ सदस्यीय निर्वाचन समिति गठन गरिएको थियो।