शनिवार हेटौंडामा सद्भाव पदयात्रा कार्यक्रमको आयोजना

४ भदौं, हेटौंडा । मकवानपुर उद्योग वाणिज्य संघको आयोजनामा शनिवार हेटौंडामा स्वस्थ्य, सुशासन, शान्ति र सद्भाव पदयात्रा तथा आशीर्वाद प्रदान गर्ने कार्यक्रम सम्पन्न भएको छ । 
दिव्य तारा बहुउद्देश्यीय सहकारी संस्था लिमिटेडको सहयोगमा भएको स्वस्थ्य, सुशासन, शान्ति र सद्भाव पदयात्रा कार्यक्रम मकवानपुर उद्योग वाणिज्य संघको पल्पसा सदनबाट सुरु भई कान्तिराजपथ, बुद्धचोक हुँदै संघको सभाहलमा पुगेर प्रवचन कार्यक्रम भएको थियो । 
पदयात्रामा मकवानपुर उद्योग वाणिज्य संघ, दिव्य तारा बहुउद्देश्यीय सहरकारी संस्था लिमिटेड, ब्रम्हकुमारी राजयोग सेवा केन्द्र, सतगुरु शिव शक्तेश्वर बाबा सेवा केन्द्र, नेपाल प्रहरी, नेपाली सेना तथा सर्वसाधरणको उपस्थिति रहेको थियो । कार्यक्रमा स्वामी पुर्णतेज जीले जिवन जिउने कलाका बारेमा प्रवचन दिएका थिए । 
उनले जिवनमा स्वस्थ्य रहने उपाय, सुशानका कला, शान्तिको मार्गबाट जिवन जिउने कलाको बारेमा प्रवचन दिनुका साथै उपस्थितलाई आशीर्वाद प्रदान गरेका थिए । 
मकवानपुर उद्योग वाणिज्य संघ मकवानपुरका अध्यक्ष कृष्ण अग्रवालको अध्यक्षतामा भएको कार्यक्रमा नेपाली कांग्रेसकी केन्द्रीय सह महामन्त्री महालक्ष्मी उपाध्यय डीना, जिल्ला समन्वय समितिका अध्यक्ष लालित बहादुर घलान, प्रमुख जिल्ला अधिकारी राजेन्द्र देव पाण्डे, प्रहरी नायव उपरीक्षक टेकबहादुर कार्की लगाएतको उपस्थिति रहेको थियो ।