बाराको जितपुरमा प्रहरी र डाँका समुहबिच गोली हानाहान

१९ भदौं सिमरा।बारामा प्रहरी र डाँका समुह बिच गोलीहाना भएको छ।शनिबार राति ११ बजेको समयमा जीतपुर सिमरा वडा नम्बर-२३ स्थित भलुहीमा डाँका समुह र प्रहरी समूह बिच भिडन्त भएको हो। डाँका समुह र प्रहरी विच दोहोरो गोली हानाहानसँगै झडप भएको बारा प्रहरीले जनाएको छ। 
भलुही स्थित ग्याँस सिलिन्डर बनाउने एरोटेक प्राली लुट्न पुगेका डाँका समुहले गेटमा रहेका कम्पनीका शुरक्षा गार्डलाई कुटपिट गरी डाँकाजनी गरिरहेको भन्ने  खबर प्राप्त भएसँगै ईलाका प्रहरी कार्यालय जितपुरबाट वरिष्ठ सई कमल बहादुर शाहीको नेतृत्वमा गएको प्रहरीलाई डाँका समुहले फायर खोलेसँग दोहोरो भिडन्त भएको बाराका प्रहरी उपरीक्षक होबिन्द्र बोगटीले जनाएका छन्। 
 डाँका समूहले एक राउण्ड फायर गरेका थिए भने प्रहरीले ३ राउण्ड हवाई फायर गरेको जनाइएको छ।लुट्न आएकामध्ये दुई जनालाई पक्राउ गरिएको र डाँकाको रड प्रहारबाट एकजना वरिष्ठ सई घाइते भएको उनको खतरामुक्त अवस्थामा विरगञ्जमा उपचार भइरहेको प्रहरीले जनाएको छ ।
प्रहरीले घटनास्थलबाट घरेलु बन्दुक तथा थान कटुवा पेस्तोल एक/एक थान र तीन राउण्ड गोली बरामद गरेको छ ।पक्राउ परेका डाँका सोही उपमहानगरको भएको र उनीहरूलाई ईलाका प्रहरी कार्यालय सिमरामा राखिएको जनाइएको छ।घटनामा संलग्न अन्यको खोजी कार्य तीव्र पारिएको प्रहरी प्रमुख बोगटीले जनाएका छन्।