हेटौंडा जेसिजको सप्ताहव्यापी कार्यक्रम अन्तर्गत पहिलो दिन दुई कार्यक्रम सम्पन्न

१९ भदौं,हेटौंडा । हेटौंडा जेसिजको सप्ताहव्यापी कार्यक्रम अन्तर्गत आज आइतबार दुईवटा कार्यक्रम सम्पन्न भएको छ।सप्ताहव्यापी पहिलो दिनको पहिलो कार्यक्रम अन्तर्गत बिहान लागुऔषध दुर्व्यवसनी सम्बन्धी हेटौंडा-९ मा रहेको प्रगति माध्यमिक विद्यालयमा सचेतनामुलक कार्यक्रम सम्पन्न गरिएको छ। 
उक्त कार्यक्रम हेटौंडा-९ का वडाध्यक्ष सुकराम केसीको प्रमुख आतिथ्यतामा सम्पन्न भएको संग्राम बल लामाले जनाएका छन्। कार्यक्रमको सभाध्यक्षता हेटौंडा जेसिज अध्यक्ष पवन कुमार कंशाकारको रहेको थियो। विद्यालयमा अध्यययनरत विद्यार्थीहरुलाई लागुपदार्थ सेवन र त्यसबाट हुने बेफाइदाको बारेमा जानकारी गराइएको थियो। कार्यक्रममा विद्यालयका प्रधानाध्यापक निरञ्जन ढकाल, मुल कार्यक्रम संयोजक शीवकुमार श्रेष्ठ,सह संयोजक महेश अधिकारीको उपस्थिती रहेको थियो। कार्यक्रममा सिआन पुनःस्थापना केन्द्रका प्रतिनिधि उत्सव अर्यालले सहजिकरण गरेका थिए। 
त्यसैगरी जेसिजको दोस्रो कार्यक्रम अन्तर्गत दिउँसो प्रतिभा अभिमुखिकरणा  प्रशिक्षण कार्यक्रम सम्पन्न भएको छ। 
जेसिज अध्यक्ष पवन कुमार कंशाकारको सभाध्यक्षतामा भएको प्रशिक्षण कार्यक्रमका प्रमुख अतिथि हेटौंडा जेसिजका पुर्व अध्यक्ष माधव कुमार न्यौपाने रहेका थिए। 
१७ जना सहभागीको सहभागीता रहेको कार्यक्रमको प्रशिक्षण पुष्पराज मगरले गरेका थिए। कार्यक्रममा हेटौंडा लेडि जेसिजकी महासचिव दिलु घर्ती मगर, बस्तिपुर जेसिजका कार्यकारिणी उपाध्यक्ष अमृत पाठक लगायतको उपस्थिती रहेको थियो। 
जेसिजको भोली २० गते सोमबार रक्तदान कार्यक्रम,फलफुल वितरण तथा स्लो मोटरसाइकल रेस गरी ३ वटा कार्यक्रम रहेको हेटौंडा जेसिज महासचिव विकेशलाल श्रेष्ठले जानकारी दिएका छन्।