हेटौंडा जेसिजको मंगलबार फुटसल,सरसफाइ र पौडी प्रतियोगिता

२१भदौं,हेटौंडा  । हेटौंडा जेसिजको सप्ताहव्यापी कार्यक्रम अन्तर्गत आज मंगलबार पनि तिन वटा कार्यक्रम सम्पन्न भएको छ। जेसिजले पहिलो कार्यक्रम अन्तर्गत बिहान फुटसल प्रतियोगिता भएको छ।  हेटौंडा जेसिज वर्ष २०२२ अध्यक्ष पवन कुमार कंशाकारको सभाध्यक्षतामा भएको बेङ्कर र जेसिज बीचको फुटसल प्रतियोगितामा 
मकवानपुर जिल्ला खेलकुद विकास समिति अध्यक्ष भेष खड्कीको प्रमुख आतिथ्यता रहेको थियो। प्रतियोगितामा बेङ्करले जेसिज टोलीलाई ४ का विरुद्ध ३ गोल अन्तरले पराजित गरेको थियो।भाइचार र आपसी सहकार्य कायम गर्ने उद्देश्यका साथ फुटसलको आयोजना गरेको कार्यक्रम संयोजक विवेक फुयाँलले  बताएका छन्। त्यसैगरी जेसिजले दोस्रो कार्यक्रम अन्तर्गत सरसफाइ कार्यक्रम गरेको छ। 
हेटौंडामा फैलिएको डेङ्गु तथा उपमहानगरपालिकाको सरसफाइ अभियानलाई सहयोग पुर्याउने उद्देश्यका साथ सरसफाइ कार्यक्रमको आयोजन गरिएको कार्यक्रम संयोजक राहुल जालानले जनाएका छन्। सरसफाइ कार्यक्रममा हेटौंडा जेसिजका पुर्व अध्यक्ष कृष्ण बहादुर कार्कीको प्रमुख आतिथ्यता रहेको थियो। कार्यक्रममा पुर्व अध्यक्ष रवि  नेपाल,नारायणगढ जेसिज अध्यक्ष अमृत श्रेष्ठ, सप्ताहव्यापी कार्यक्रमका मुल संयोजक शीवकुमार श्रेष्ठ,सह संयोजक महेश अधिकारी लगायतको उपस्थिती रहेको थियो । 
त्यसैगरी आजको तेस्रो कार्यक्रम अन्तर्गत  अपरान्ह पौडी प्रतियोगिता आयोजना गरेको छ। ५० मिटर दुरीको उक्त प्रतियोगिताको प्रमुख अतिथी मकवानपुर पौडी संघका अध्यक्ष सुवास खतिवडा रहेका थिए। 
१२ जना सहभागि प्रतियोगितामा बाल गोपाल अधिकारी प्रथम,सुगम अर्याल दृतीय र बिमलेश मिश्र तृतीय भएका थिए। विजेताले पहिलो,दोस्रो र तेस्रो हुनेले  निर्धारित दुरी क्रमश ४७. ५० सेकेन्ड,४७.५७ सेकेन्ड र ४८.१० सेकेन्डमा पार गरेका थिए। विजेताले क्रमश नगद ३ हजार,दुई हजार र १ हजार प्राप्त गरेको कार्यक्रम संयोजक विराज गौतमले बताएका छन।  सप्ताहव्यापी कार्यक्रम अन्तर्गत भोली बुधबार वृक्षारोपण कार्यक्रम,अन्तर जेसीज ओरेटरी कार्यक्रम आयोजना गरिएको महासचिव विकेशलाल श्रेष्ठले जानकारी दिएका छन्।