हेटौंडा जेसिजको बुधबार वृक्षारोपण र वक्तृत्वकला कार्यक्रम सम्पन्न

२२ भदौं,हेटौंडा  । सप्ताहव्यापी कार्यक्रम मनाइरहेको हेटौंडा जेसिजले  सप्ताहव्यापी कार्यक्रम अन्तर्गत आज बुधबार दुई वटा कार्यक्रम सम्पन्न गरेको छ। जेसिजले पहिलो कार्यक्रम अन्तर्गत बिहान वृक्षारोपण गरेको छ। हेटौंडा जेसिज वर्ष २०२२ अध्यक्ष पवन कुमार कंशाकारको सभाध्यक्षतामा भएको वृक्षारोपण कार्यक्रममा हेटौंडा जेसिजका पुर्व अध्यक्ष अङ्गद श्रेष्ठको प्रमुख आतिथ्यता रहेको थियो। 
कार्यक्रममा हेटौंडा जेसिजको सचिवालय हेटौंडा-९ कर्रामा विभिन्न प्रजाति फलफुलका विरुवा रोपिएको कार्यक्रम संयोजक विनोद  वाग्लेले बताएका छन्। वृक्षारोपण कार्यक्रममा हेटौंडा जेसिजका सन २०१८ का अध्यक्ष रवि नेपालको विशिष्ट आतिथ्यता रहेको थियो। 

त्यसैगरी जेसिजले दोस्रो कार्यक्रम अन्तर्गत वक्तृत्वकला कार्यक्रम आयोजना गरेको छ। १० जना सहभागति प्रतियोगितामा विवेक आनन्द न्यौपाने प्रथम,छोईसाङ लामा दृतीय भएका थिए। प्रथम हुनेले नगद ३ हजार प्राप्त गरेका छन्। हेटौँडाका पुर्व अध्यक्ष बासु न्यौपानेको प्रमुख आतिथ्यता तथा पुर्व अध्यक्षहरु कुश कुमार रिजाल र कृष्ण कटुवालको आतिथ्यता रहेको थियो। नेतृत्व तथा व्यक्तित्व विकास गर्ने उद्देश्यका साथ वक्तृत्वकला प्रतियोगिता आयोजना गरिएको  कार्यक्रम संयोजक छोईसाङ लामाले जनाएका छन्। कार्यक्रममा सप्ताहव्यापी कार्यक्रमका मुल संयोजक शीवकुमार श्रेष्ठ,सह संयोजक महेश अधिकारी लगायतको उपस्थिती रहेको थियो । 
सप्ताहव्यापी कार्यक्रम अन्तर्गत भोली बिहीबार हेटौंडा क्याम्पसमा अम्बिका देवी स्मृति हाजिरीजवाफ प्रतियोगिता  आयोजना गरिएको महासचिव विकेशलाल श्रेष्ठले जानकारी दिएका छन्।