धर्मले सबैको हित गर्छ: नेता बानियाँ

२३भदौं,हेटौडा । नेपाली कांग्रेस बागमती प्रदेशका सभापति ईन्द्र बानियाँले धर्मले सबैको हित गर्ने बताएका छन्।हेटौडा–१७ गैरीगाउँमा रहेको श्रीमदभागवत ज्ञानसञ्चार बृद्धाश्रमले निर्माण गर्न लागेको आण्डाल बेद अध्ययन केन्द्रको विहिवार शिलान्यास गर्दै बानियाँले सो कुरा बताएका हुन ।
कार्यक्रममा हेटौडा उपमहानगरपालिका उपमेयर राजेश बानियाँले उपमहानगरपालिकाको तर्फबाट ५ लाख भन्दा बढी सहयोग गर्ने बताए । उपमेयर बानियाँले उपमहानगरपालिकाले साडी बाडेको सत्य नभएको बताउदै आफूले आफनो पसलबाट पैसा लिएर साडी विक्री गरेको बताए ।

बृद्धाश्रमका अध्यक्ष लक्ष्मण कटुवालको सभाध्यक्षतामा भएको कार्यक्रममा हेटौडा–१६ का वडा अध्यक्ष उद्धव सत्याल, १७ का वडा अध्यक्ष रामकृष्ण कोईराला, वृद्धाश्रमका पूर्व अध्यक्ष हरिप्रसाद सिग्देल, कामधेन बहुउद्धेश्यीय सहकारी संस्थाका अध्यक्ष उदय विडारी ,विभिन्न मन्दिरका मठाधिशहरु, स्थानीय लगायतको सहभागिता रहेको थियो ।

अध्ययन केन्द्र निर्माण गर्न बागमती प्रदेश पर्यटन मन्त्रालयबाट ४० लाख, भौतिक पूर्वाधार  विकास मन्त्रालयबाट १० लाख र हेटौडा–१७ नं. वडा कार्यालयबाट २ लाख रकम प्राप्त भएको छ । विष्णु लक्ष्मी शयन अवतार सहित अध्ययन केन्द्रमा कमल पोखरी, पुष्प बाटिका, रामानुज स्तम्भ र हल सहित निर्माण गर्न करिव ५ लाख खर्च लाग्ने बृद्धाश्रमका सचिव नवराज न्यौपानेले बताए ।