जनकल्याणले मनायो २७ औं स्थापना दिवस

२४ भदौं,हेटौंडा। हेटौडा-६, न्युरेनी चौघडामा रहेको जनकल्याण बचत तथा ऋण सहकारी संस्थाले  शुक्रबार आफ्नो २७ औं स्थापना दिवस अन्तक्रिर्या कार्यक्रम आयोजना गरेर मनाएको छ ।

हेटौंडा-६ का वडाध्यक्ष विष्णु बहादुर दाहालको प्रमुख आतिथ्यतामा सम्पन्न कार्यक्रममा बोल्दै वडा अध्यक्ष  दाहालले जनकल्याण सहकारी संस्थाले आफना शेयर सदस्यहरुको हितमा कार्य गरेको बताए । एकै प्रकतिका सहकारी संस्थाहरु एकिकरण गरी वित्तिय कारोवार गर्नु पर्नेमा जोड दिदै वडा अध्यक्ष दाहालले सहकारी संस्थाहरुले सामाजिक उत्तरदायित्व तर्फ पनि काम गर्नु पर्ने बताए । 
सहकारीका अध्यक्ष हिमाल पौडेलको अध्यक्षतामा भएको कार्यक्रममा संस्थापक अध्यक्ष बासुदेव अधिकारी, उपाध्यक्ष श्यामप्रसाद भट्टराई, कोषाध्यक्ष चेतनाथ खतिवडा लगायतकाले शुभकामना मन्तव्य व्यक्त गरेका थिए । 
कार्यक्रममा संस्थाका पूर्व अध्यक्ष रघुप्रसाद आचार्य, संचालक समितिका पदाधिकारी, लेखा समिति, शेयर सदस्य र संचारकर्मीको सहभागिता थियो ।
२०५३ भाद्र २४ गते २९ जना संस्थापक शेयर सदस्यहरु बाट शुरु गरिएको यो सहकारीमा २०७९ साउन सम्म २ हजार  ७३८ जना शेयर सदस्यहरु आवद्ध रहेका छन । २ करोड ४९ लाख शेयर पूँजी १८ करोड निक्षेप र १९ करोड १८ लाख ऋण लगानीमा रहेको संस्थाले जनाएको छ ।