हेटौंडा जेसिज सप्ताह:चुरियामा स्वागत बोर्ड,विद्यालयमा शैक्षिक सामाग्री वितरण

२४भदौं,हेटौंडा । सप्ताहव्यापी कार्यक्रम मनाइरहेको हेटौंडा जेसिजले  सप्ताहव्यापी कार्यक्रम अन्तर्गत आज शुक्रबार दुई वटा कार्यक्रम सम्पन्न गरेको छ।जेसिजले पहिलो कार्यक्रम अन्तर्गत बिहान वागमती प्रदेश र मधेस प्रदेश छुट्याउने स्थान चुरियामाई मन्दिर नजिक राजमार्ग क्षेत्रमा स्वागत बोर्ड राखेको छ भने दोस्रो कार्यक्रम अन्तर्गत हेटौंडाको ग्रामीण भेगमा रहेको एक विद्यालयमा खेलकुद र शैक्षिक सामग्री वितरण गरेको छ। 

हेटौंडा जेसिज वर्ष २०२२ अध्यक्ष पवन कुमार कंशाकारको सभाध्यक्षतामा सम्पन्न कार्यक्रमको प्रमुख अतिथी हेटौंडा जेसिजका पुर्व अध्यक्ष कुश कुमार रिजाल र रमेश ध्वज कार्की रहेका थिए । 

ट्राफिक सचेतना सहित मकवानपुर र बाराको सिमाना चुरियामाई मन्दिर नजिक स्वागत बोर्ड राखिएको कार्यक्रम संयोजक लिङ्कन लुइटेलले जानकारी दिएका छन्। त्यसैगरी हेटौंडाको विकट मानिएको चप्लेटीमा रहेको विश्वज्योती आधारभुत विद्यालयमा कापि,कलम,फुटबल,भलिबल, विस्कुट जस्ता शैक्षिक तथा खेलकुद सामग्री वितरण गरिएको कार्यक्रम संयोजक विवेक आनन्द न्यौपानेले बताएका छन्।दुवै कार्यक्रममा सप्ताहव्यापी कार्यक्रमका मुल संयोजक शीवकुमार श्रेष्ठ,सह संयोजक महेश अधिकारी लगायतको उपस्थिती रहेको थियो । 
सप्ताहव्यापी कार्यक्रम अन्तर्गत भोली शनिबार सप्ताहव्यापी कार्यक्रम समापन तथा पुरस्कार वितरण कार्यक्रम रहेको महासचिव विकेशलाल श्रेष्ठले जानकारी दिएका छन्।