कम्युनिस्टहरूले मत माग्ने अाधार छैन : बानियाँ

बस्तिपुरमा भएको कार्यक्रममा सम्बोधन गर्दै बानियाँ ।

२४ कार्तिक, हेटौंडा । प्रतिनिधिसभा मकवानपुर क्षेत्र नम्बर १ का उम्मेदवार ईन्द्रबहादुर बानियाँले मकवानपुरका कम्युनिष्टहरूले जनतासंग मत माग्ने अाधार नरहेको बताएका छन् ।

मनहरी-१ मकरीमा प्रचार कार्यालय उद्घाटन गर्दै बानियाँले मतदाताले भोट हालेर जिताए पनि गाउँ ठाउँको विकास भन्दा कार्यकर्ता पाल्ने काम मात्रै गरेको बताए । अहिलेसम्म मकवानपुरमा एमाले र माअोवादीले जितिरहँदा विकासका काम शून्य भएको बताउँदै यसअघि जितेका नेताले भन्दा कांग्रेसका नेताले गाउँ ठाउँको विकास गरेको बताए ।

कम्युनिस्टलाई भोट हालेर थाकेका मतदाताले यसपाली लोकतान्त्रिक गठबन्धनलाई जिताउनेे उनको दावी थियो । अाफु विकट क्षेत्रबाट उम्मेदवार बनेे पनि जितसंग‌ै यस क्षेत्रको विकासले गति लिने बताए । 

बानियाँले बाम गठबन्धनको उपयुक्त विकल्प लोकतान्त्रिक गठबन्धन भएकोले लोकतान्त्रिक गठबन्धनलाई निर्वाचनमा विजयी बनाउन सबैलाई अनुरोध गरेका थिए ।

मकरीमा प्रचार कार्यालय
मनहरी गाउँपालिका वडा नम्बर १ मकरीमा लोकतान्त्रिक गठबन्धनको चुनाव प्रचारप्रसार कार्यालय स्थापना गरिएको छ । चर्तुभुज न्यौपानेको संयोजकत्वमा २२ सदस्यीय चुनावप्रचारप्रसार समिति समेत निर्माण भएको छ । कार्यक्रममा नेपाली काँग्रेस जिल्ला सचिव बुद्ध लामा, जिल्ला सदस्य भीमसेन महत, काँग्रेस नेता शंकर न्यौपाने, महासमिति सदस्य भरत पराजुली, तरुण दल जिल्ला उपाध्यक्ष रामकुमार रायमाझी, राप्रपाका गगनबहादुर खड्का, लोकतान्त्रिक चुनाव प्रचारप्रसार समितिका सहसंयोजक गोविन्द रिजाल लगायतकाको उपस्थिति रहेको थियो । त्यसैगरी कार्यक्रमकै अवसरमा विभिन्न पार्टी परित्याग गरि १ सय जना नेपाली काँग्रेस प्रवेश गरेका छन् ।