हेटौंडा लेडि जेसिजको जेसिज सप्ताह सम्पन्न

३० भदौं,हेटौंडा । हेटौंडा लेडि जेसिजको सप्ताहव्यापी कार्यक्रम बिहीबार सम्पन्न भएको छ।भदौं २७ गतेबाट विविध कार्यक्रम सहित सरु भएको जेसिज सप्ताह बिहीबार सम्पन्न भएको हो ।
हेटौंडा लेडि जेसिज वर्ष-२०२२ का अध्यक्ष कविता पौडेलको सभाध्यक्षमा सम्पन्न जेसिज सप्ताह समापन तथा पुरस्कार वितरण कार्यक्रममा संविधानसभा सदस्य अनन्त पौडेलको प्रमुख आतिथ्यता रहेको थियो। 
कार्यक्रममा लेडि जेसिजले जेसिज-२०२२ सप्ताह अन्तर्गत ९ वटा कार्यक्रममा सहभागी तथा विजेता बनेकालाई प्रमुख अतिथी पौडेलले पुरस्कार प्रदान गरेका थिए । 
कार्यक्रममा बोल्दै कार्यक्रमका प्रमुख अतिथि पौडेलले  
जेसिजले सामाजिक कार्यमा देखाएको तदारुकताले हामीले धेरै कुरा सिक्नुपर्ने बताए। 
कार्यक्रमको विशिष्ट अतिथी जेसिज राष्ट्रिय उपाध्यक्ष तथा  निरुपित राष्ट्रिय जेसिज  क्षेत्र ख की उपाध्यक्ष रश्मी बस्नेत रहेकी थिइन।समापान तथा पुरस्कार वितरण कार्यक्रममा हेटौंडा वडा नम्बर २ का वडाध्यक्ष विष्णु गोपाल महर्जनको आतिथ्यता रहेको थियो। 
कार्यक्रममा जेसिज सप्ताह मुल संयोजक सजिता केसी खत्री, हेटौंडा जेसिज अध्यक्ष पवन कुमार कंशाकार, लेडि जेसिज पुर्व अध्यक्ष शुसिला पौडेल,प्रतिमा श्रेष्ठ,  हेटौंडा जेसिज महासचिव विकेशलाल श्रेष्ठ,विभिन्न शाखा जेसिज प्रतिनिधी लगायतको उपस्थिती रहेको थियो। कार्यक्रमको समापन पुरस्कार वितरण तथा समापान संयोजक शिखा शर्माले गरेकी थिइन। कार्यक्रम संचालन हेटौंडा लेडि जेसिज महासचिव दिलु घर्ती मगरले गरेकी थिइन।