२५ मिटर सडक विस्तारमा भ्रम फैलाउन खोजियोः महत

३१ भदौं, हेटौंडा । हेटौंडाका एकजना राजनितिक व्यक्ति एवं समाजसेवी भिमसेन महतले हेटौंडामा पर्ने राष्ट्रिय राजमार्ग बिस्तारको बिषयमा भ्रम फैलाउने काम भएको भन्दै आपत्ति जनाएका छन् । 
विकल्परहित राष्ट्रिय राजमार्ग विस्तारलाई विभिन्न समयमा समाधानका उपाय भन्दै सार्वजनिक हुने गेरका मानव वस्ति, बाइपास र १६ मिटर विस्तार जस्ता कुराले भ्रम मात्रै फैलाएको भन्दै महतले आपक्ति जनाएका हुन् । 
उनले बिहीबार हेटौंडामा पत्रकार सम्मेलन गर्दै उचित मुआब्जा दिएर २५ मिटर सरडक विस्तार मात्रै सहि समाधान भएकाले त्यसतर्फ सबैले ध्यान दिनुपर्ने बताएका छन् ।
हाल नेपाली कांग्रेस मकवानपुरका सचिव रहेका महतले विगतमा आफु नेकपा माले मकवानपुरको प्रमुख पदमा रहँदा पनि सडक विस्तारको विषयमा बहस चलाएको स्मरण गराउँदै कुनै पार्टी विशेष भन्दा पनि सडक विस्तार जनताको विषय भएकाले वास्ताविकता वताउँन पत्रकार सम्मेलन गरेको महतले बताए ।
उनले हेटौंडाको सडक २५ मिटर विस्तार हुने कुरा कसैले रोक्न नसक्ने दावी गर्दै उचित मुआब्जा दिलाउने तर्फ सबै लाग्नुपर्नेमा जोड दिए ।
१६ मिटर सडक विस्तार, हेटौंडालाई मानव बस्ती घोषणा र बाइपास सडक निर्माण लगायतका सबै कुरा भ्रमको खेती मात्र भएको उल्लेख गर्दै ढिलोचाँडो सडक विस्तार हुने र कसैले रोक्न नसक्ने उनले दावी गरे । 
विगतको समयमा सबभन्दा बढी स्थानीय सरकार चलाएको र जिल्लाबाट नेतृत्व गरेको पार्टीका नेता तथा प्रतिनिधिले बाइपासको बिषय चलाएको तर बाइपास भने कहिल्यै नबनाएर दोहोरो चरित्र निर्वाह गरेको महतको आरोप छ । 
पहिले बाइपास सडक बनाउनुपर्ने र त्यसलाई महेन्द्र राजमार्ग कायम गर्नुपर्ने भन्दै उनले राजमार्गको नक्साङ्कन परिवर्तन भएको निवेदन र यसैलाई कायम गर्न एसियन हाइवेमा हाल्नुपर्ने उनको सुझाव छ । 
विभिन्न समयमा दलका नेता तथा जिम्मेवार पदमा रहेकाले समेत २५ मिटरको विषयलाई बुझ्दै नबुझि वक्तव्य वा आश्वासन दिने गरेको भन्दै ऐनलाई कुल्चेर १४ वा १६ मिटर कायम गर्ने भन्ने कुरा हावादारी भएको महतले दावी गरे । 
सडक विस्तारको बिषयमा सरोकारवालालाई सही जानकारी दिन जरुरी ठानेर आफूले पत्रकार सम्मेलनको आयोजना गरेको बताउँदै महतले आफुले पार्टीको सचिवको हैसियतमा नभई व्यक्तिगत भीमसेन महतले आयोजना गरेको पनि स्पष्ट पारे ।