लोकतान्त्रिक गठबन्धनको सम्पर्क कार्यालय 

२५ कार्तिक, हेटौँडा । लोकतान्त्रिक गठबन्धनको चुनावी अभियान अन्र्तगत प्रतिनिधिसभा तथा प्रदेशसभा क्षेत्र नम्बर १ को ख अन्तर्गत हेटौँडा उपमहानगरपालिका वडा नम्बर २ मा निर्वाचन प्रचार प्रसार समितिको सम्पर्क कार्यालय उद्घाटन गरिएको छ । क्षेत्र १ को ख का प्रदेश सभा सदस्य उमेद्धवार असोक शाक्य, प्रतिनिधि सभा क्षेत्र नम्बर १ निर्वाचन परिचालन समिति संयोजक माइकल रामचन्द्र अर्याल र राप्रपाका केन्दि«य सदस्य दिपक सिंहले संयुक्त रुपमा सम्पर्क कार्यालयको उद्घाटन गरेका हुन् । 
कार्यक्रममा बोल्दै प्रतिनिधि सभा क्षेत्र नम्बर १ अन्तर्गत प्रदेश सभा ख का उमेद्धवार असोक शाक्यले काँग्रेस विकासको पर्यावाची भएकोले कांग्रेसलाई जिताउँन आग्रह गरे । उनले मकवापुरमा १५बर्ष कम्युनिष्टले सासन गरेपनि यहाँका  जनताले केहि नपाएको भन्दै मतदातालाई लोकतान्त्रिक गठबन्धनको पक्षमा मत दिन आग्रह गरे । 
यस्तै राप्रपाका केन्दि«य सदस्य दिपक सिंहले कम्युनिष्टको हातमा शासन गए मुलुकमा अधिनायकबाद लादिने बताए । 
कार्यक्रमामा प्रतिनिधि सभा क्षेत्र नम्बर १ निर्वाचन परिचालन समिति संयोजक माइकल रामचन्द्र अर्याल, काँग्रेस समानुपातिक उमेद्धवार पवित्रा विक, हेटौंडा उपमहानगरमा निर्वाचन परिचालन समितिका संयोजक आन्नद राम पराजुली, काग्रेस महासमिती सदस्य रिता खनाल, राप्रपाका नगर अध्यक्ष गुरुप्रसाद सापकोटा लगायतकाको सहभागिता रहेको थियो ।
वडा नम्बर १ मा तरुण तथा युवा परिचालन समिति 
प्रतिनिधिसभा क्षेत्र नम्बर २ अन्तर्गत हेटौँडा उपमहानगरपालिका वडा नम्बर १ चौकिटोलमा लोकतान्त्रिक गठबन्धन निकट युवाहरुको भेलाले तरुण तथा युवा परिचालन समिति गठन गरेको छ । तरुण दल वडा नम्बर १का सभापति विकेशलाल श्रेष्ठको संयोजकत्व र राप्रपाका राकेश महर्जनको सहसंयोजकत्वमा १०१ सदस्यीय युवा परिचालन समिती गठन गरेको छ । कार्यक्रम नेपाली काँग्रेस वडा नम्बर १ का सभापति हरी कृष्ण महर्जनको सभाध्यक्षतामा सम्पन्न भएको हो ।