सिर्जनशिल समाजको एघारौं साधारण सभा

२५ कार्तिक, हेटौँडा । मकवानपुरगढी–४ कालिखोलामा रहेको सिर्जनशिल समाज बचत तथा ऋण सहकारी संस्थाको एघारौं बार्षिक साधारणसभा शनिबार सम्पन्न भएको छ । 
साधारणसभामा संस्थाका अध्यक्ष कृष्णबहादुर विडारीले संस्थागत प्रतिवेदन, कोषाध्यक्ष ईन्द्रप्रसाद चौलागाईले आर्थिक तथा ऋण उप–समितिको प्रतिवेदन र लेखा सुपरीवेक्षण समितिका संयोजक माधव चौलागाईले लेखा परीक्षण प्रतिवेदन प्रस्तुत गरेका थिए । 
भेलामा संचारकर्मी भीमसेन पौडेल, असली कारोबारी तिर्थमाया कठायत, उद्यमशिल ऋणी गायत्री तिमल्सिना, ज्येष्ठ नागरिक विष्णुप्रसाद लामिछाने, बढि कारोबार गर्ने तारा विडारी, मनिषा शाही, अधिक बाल बचतकर्ता अस्मिता घलान, एसईईमा उत्कृष्ट अंक ल्याउने गंगा सापकोटा र सहकारीलाई महत्वपूर्ण सहयोग गर्ने चिरन्जीवि न्यौपानेलाई सम्मान गरिएको थियो ।
मकवानपुरगढी गाउँपालिकाका अध्यक्ष विदुरप्रसाद हुमागाईको प्रमुख आतिथ्यतामा भएको भेलामा पूर्व सांसद प्रल्हाद लामिछाने, हिमाल महिला बहुद्देश्यीय सहकारी संस्थाकी अध्यक्ष जानुका दाहाल, चुच्चेखोला सामुदायिक वनका अध्यक्ष अर्जुनप्रसाद दाहाल, सुसेली सामुदायिक वनका अध्यक्ष विजय लामा, संस्थाका सचिव शान्तप्रसाद दाहाल, सदस्य लक्ष्मण भट्टराई लगायतले मन्तव्य व्यक्त गरेका थिए । 
५ सय ५८ शेयर सदस्य आवद्ध संस्थाले आव ०७३/७४ मा १ करोड ३९ लाख रुपैँया कारोबार गरेको छ ।