लोकतान्त्रिक गठवन्धनको  हेटौडा र थाहा नगरमा सम्पर्क कार्यालय

२५कार्तिक,हेटौडा । लोकतान्त्रिक गठवन्धनले प्रतिनिधिसभा क्षेत्र नम्बर १  हेटौँडा वडा नम्बर ४ र ५ मा निर्वाचन प्रचार प्रसार समितिको सम्पर्क वडा कार्यालय उद्घाटन गरेको छ । क्षेत्र १ को ख को प्रदेश सभाका उमेद्धवार असोक शाक्य र राप्रपाका सह महामन्त्री राजाराम बर्तौलाले संयुक्त रुपमा सम्पर्क वडा कार्यालयका उद्घाटन गरेका हुन । 
 कार्यक्रममा प्रतिनिधिसभा क्षेत्र नम्बर १ ख प्रदेश सभाका उम्द्ववार अशोक शाक्य, राप्रपाका सहमहामन्त्री राजाराम बर्तौला, कांग्रेस मकवानपुर कार्यवाहक सभापति  एवं जिल्ला निर्वाचन परिचालन समितिका संयोजक विष्णुप्रसाद लामिछाने , काँग्रेस समानुपातिक उमेद्धवार पवित्रा विक, हेटौंडा उपमहानगरमा निर्वाचन परिचालन समितिका संयोजक आन्नद राम पराजुली , राप्रपाका  नगर अध्यक्ष गुरु प्रसाद सापकोटा  लगायतकाको सहभागिता रहेको थियो ।
त्यसैगरी लोकतान्त्रिक गठवन्धनको प्रतिनिधिसभा क्षेत्र नम्बर २ मा पर्ने  थाहा  नगरपालिका १  मा  निर्वाचन प्रचार प्रसार समितिको सम्पर्क वडा कार्यालय उद्घाटन गरिएको छ । नेपाली काँग्रेस केन्द्रीय सदस्य तथा प्रतिनिधिसभा क्षेत्र नम्बर–२ की उम्मेदवार महालक्ष्मी उपाध्यय डीना ,प्रतिनिधिसभा क्षेत्र नम्ब–२ अन्तर्गत् प्रदेशसभा क का उम्मेदवार यतिराज सापकोटा र  राप्रपा थाहानगर संयोजक हरेराम कार्कीले संयुक्त रुपमा सम्पर्क वडा कार्यालयका उद्घाटन गरेका हुन । 

          हेटौंडा र थाहा  नगरमा प्रचाप्रसार समिति गठन 
हेटौंडा÷प्रतिनिधि÷प्रदेशसभा निर्वाचनका लागि प्रचारप्रसारलाई तीब्रता दिँदै हेटौंडा–४ र ९ मा  प्रचाप्रसार समिति गठन गरिएको छ ।

हेटौँडा वडा नम्बर ४ मा नेपाली काँग्रेसका रेसम कुमार श्रेष्ठ संयोजक र राप्रपाका उमेश श्रेष्ठ सह संयोजक रहने गरी १ सय ५१सदस्यीय प्रचाप्रसार समिति गठन गरिएको काँग्रेस प्रबक्त प्रदिप कोईरालाले जानकारी दिए । 
त्यसैगरी हेटौँडा वडा नम्बर ९ मा नेपाली काँग्रेसका बीरेन्द्रकुमार लामा संयोजक र राप्रपा वडा अध्यक्ष श्यामकृष्ण खतिवडा प्रवक्ता रहनेगरी १ सय ५१ सदस्यीय गठन गरिएको छ । प्रचारप्रसार समितिसँगै आर्थिक, युवा, तरुण, विद्यार्थी र महिला परिचालन उपसमिति बनाइएको काँग्रेस स्थानीय नेता कुमार पौडेलले जानकारी दिए ।
यता प्रतिनिधि÷प्रदेशसभा निर्वाचनका लागि क्षेत्र नम्बर २ को  थाहा  नगरपालिका १ मा  रामशरण गोपाली संयोजक र सह संयोजकसुब्बाकाजी गोपाली  रहने गरी  ५१ सदस्यीय प्रचाप्रसार समिति गठन गरिएको  क्षेत्रीय सचिव एवं निर्वाचन परिचालन समितिका सह संयोजक ओम बस्नेतले जानकारी दिए ।