प्रथम वडाध्यक्ष कप सेभेन ए साइड फुटबलको उपाधि विकास टोललाई

१५असोज,हेटौंडा। हेटौंडा-८ कमानेमा जारी प्रथम वडाध्यक्ष कप सेभेन ए साइड फुटबलको  उपाधि विकास टोलले हात पारेको छ।शनिबार सम्पन्न मनकामना (क) र विकास टोल बिचको फाइनल खेलमा कपको उपाधि विकास टोलले हात पारेको हो।

पहिलो हाफ बराबरीमा रोकिएपछि दोस्रो हाफको अन्तिम समयमा विकास टोलले विपक्षी टिमको पोष्टमा जाली चुमाएको थियो। खेल विकास टोलले १ का विरुद्ध सुन्य गोल अन्तरले आफ्नो पक्षमा पारेको हो।

वडा दशैको अवसरमा हेटौंडा वडा नम्बर ८ को सहयोग र  वडा नम्बर ८ खेलकुद समितिको सहकार्यमा आयोजित प्रतियोगितामा वडा भित्रका १६ वटा फुटबल टिमको सहभागि रहेको थियो।प्रतियोगिताको विजयी बनेसँगै बिकास टोलले नगद ३० हजार मेडल र प्रमाणपत्र प्राप्त गरेको छ भने उप विजेता बनेको  मकनकामना (क) टोलले नगद २० हजार,मेडल,प्रमाणपत्र प्राप्त गरेको छ। ८ नम्बर खेलकुद समिति संयोजक उमेश थापा मगरको सभाध्यक्षतामा सम्पन्न समापन कार्यक्रममा हेटौंडा-८ का वडाध्यक्ष राम थापाको प्रमुख आतिथ्यता रहेको थियो । 

कार्यक्रममा हेटौंडानगर कार्य पालिका सदस्य मञ्जु भुर्तेल, वडा सदस्यहरु गोरखनाथ राय,राजु मोक्तान,टोल विकास समन्वय समिति हेटौंडा-८ का अध्यक्ष विष्णु अर्याल, एथलेटिक संघका केन्द्रीय सदस्य प्रभाकर पाण्डे लगायत विभिन्न संघ संस्थाका प्रतिनिधीको आतिथ्यता रहेको थियो। 
प्रतियोगितामा विजेता र उपविजेता बनेका टिमलाई वडाध्यक्ष थापा  तथा वडासदस्यहरुले पुरस्कार र प्रमाणपत्र वितरण गरेका थिए। प्रतियोगिता अविधीभर खेलमा सहयोग गर्ने विभिन्न व्यक्ति तथा संघ संस्थालाई सम्मानपत्र प्रदान गरिएको थियो भने वडा कार्यालय तथा खेलकुद समितिको आयोजनामा असोज १० गते सम्पन्न दौड प्रतियोगितामा प्रथम,दृतीय तथा तृतीय एव सहभागि भएकालाई पुरस्कार वितरण गरिएको थियो।