दुर्व्यवहारको हल्ला चुनाव लक्षित प्रपञ्च मात्रै: रन्जन कालाखेती

१८ असोज,हेटौंडा। नेपाली कांग्रेस मकवानपुर प्रतिनिधि सभा क्षेत्र नम्बर २ ख का सभापति रन्जन कालाखेतीले जिल्ला सदस्य चन्द्रप्रसाद न्यौपाने माथी दुर्व्यवहार गरिएको भनि फैलाइएको हल्ला निराधार भएको बताएका छन् ।
सभापति कालाखेतीले गत असोज १३ गते भएको दशै, तिहार लगाएत पर्वको अवसरमा भएको शुभकामना कार्यक्रममा जिल्ला सदस्य न्यौपानेलाई बागमती प्रदेश सभापति इन्द्रबहादुर बानियाँबाट दुर्व्यवहार भएको भनि गरिएको हल्ला निर्वाचन नजिकिदै जाँदा वदनाम गर्ने उद्देश्यले गरिएको प्रपञ्च मात्र भएको बताएका हुन् ।
उनले सामाजिक सञ्चालमा भाइरल भएको भनिएको भिडियोमा जिल्ला सदस्य न्यौपानले बरु आफुलाई हातपात गर्न खोजेको स्पष्ट देखिने भन्दै कार्यक्रममा बोल्ने अवसर नदिएको विषयलाई लिएर न्यौपानेले विवाद गरेको दावी गरे ।
शुभकामना कार्यक्रममा थोरै व्यक्तिहरुले मात्रै बोल्ने निर्णय भएकोमा मञ्चमा बसेका जिल्ला सदस्य न्यौपानेले आफुले पनि बोल्न पाउनुपर्ने भन्दै विवाद गरेको सभापति कालाखेतीले स्पष्ट पारे । 
जिल्ला सदस्य न्यौपानेले विवाद गरेपछि प्रदेश सभापति बानियाँले हल्ला नगर्न र कार्यक्रममा बोलीरहेका जिल्ला सचिव भिमसेन महतको कुरा सुन्न भनेको तर कुनैपनि दुर्व्यवहार नगरेको कालाखेनीले दावी गरे। भिडियोमा बानियाँले जिल्ला सचिव बोलिरहेको जिल्ला सदस्यलाई हल्ला नगर्न भनिरहेको प्रष्ट सुनिन्छ ।
लामो समयदेखि नेपाली कांग्रेसको राजनीति गर्दै आएका जिल्ला सदस्य र अग्रज हुनुको नाताले पनि जिल्ला सदस्य न्यौपानेप्रति सम्मान रहेको बताउँदै क्षेत्रीय सभापती कालाखेतीले सामाजिक सञ्चालमा चलाइएको हल्लाको पछि नलाग्न र वास्तविकता बुझेर मात्र प्रतिक्रिया दिन आग्रह गरे ।