कांग्रेसले धर्मका आधारमा कसैको बिरोध र कसैलाई बिभेद गर्दैनः डीना

१ कार्तिक, हेटौंडा । नेपाली कांग्रेसकी केन्द्रीय सह–माहामन्त्री एवं मकवानपुर क्षेत्र नम्बर १ की उम्मेदवार महालक्ष्मी उपाध्याय डीनाले कांग्रेसले धर्मका आधारमा कसैको बिरोध र कसैलाई बिभेद नगर्ने बताएकी छन् । 
बकैया इसाई समाज मकवानपुरको आयोजनामा सोमबार भएको छलफल कार्यक्रममा बोल्दै उम्मेदवार डीनाले कांग्रेसको झन्डामा रहेका चार तारा मध्ये एक ताराले धार्मिक स्वतन्त्रतालाई जनाउने भएकाले कांग्रेसले सबै धर्मलाई सम्मान गर्ने बताइन् । उनले नेपालको संविधानले नै सबै धर्मलाई समान हैसियत दिएको उल्लेख गर्दै कसैले कसैको धार्मिक आस्थालाई चोटपुग्ने गरि काम गर्नु नहुने बताईन । 
उम्मेदवार डीनाले इसाई धार्मावलम्बिहरुका समस्यालाई आगामी दिनमा सशक्त ढंगले उठाउने प्रतिवद्धता पनि व्यक्त गरिन । संविधान मास्ने र धार्मिक स्वतन्त्रतामा खलल पु¥याउँनेहरु एक भएर आइरहेको स्मरण गराउँदै उनले आगामी निर्वाचनमा त्यस्ता शक्तिहरुलाई पहिचान गर्न आग्रह पनि गरिन । 
कार्यक्रममा माओवादी केन्द्र बागमती प्रदेश उपाध्यक्ष एवं प्रतिनिधि सभा क्षेत्र नम्बर १ को (क) का उम्मेदवार प्रेमबहादुर पुलामी छिन्तुले कांग्रेस नेतृत्वको लोकतान्त्रिक बाम गठबन्धनका उम्मेदवारहरुलाई आगामी निर्वाचनमा मत दिएर जिताउन पनि आग्रह गरे । 
उनले अर्को गठबन्धन पनि मत माग्न आउने बताउदै उसको धार्मिक पहिचान के हो भनि प्रश्न गर्न आग्रह गरे । उम्मेदवार छिन्तुले धार्मिक अतिवादी र संविधान विरोधिहरु मिलेर आउने भन्दै त्यस्ताबाट जोगिन आग्रह गरे । 
बकैया इसाई समाजका निवर्तमान अध्यक्ष उत्तम थोकरको अध्यक्षतामा भएको कार्यक्रममा समनुपातिक उम्मेदवार शेरबहादुर तामाङ, लक्ष्मी श्रेष्ठ, नेपाली कांग्रेस मकवानपुरका सह–सचिब इन्दिरा न्यौपाने, जिल्ला सदस्य मोमलाल दोङ, १ नम्बर क्षेत्रीय सभापति दामोदर खनाल, नेपाली कांग्रेस प्रदेश (क) का सभापति शुसान्त श्रेष्ठ, नगर सभापति उत्सब इटेनी लगाएत विभिन्न चर्चका पास्टर एवं इसाई अगुवाहरुको उपस्थिति रहेको थियो ।