सुकुम्बासी समस्याको समाधान मेरो मुख्य प्राथमिकताःः महेश बर्तौला

४ कार्तिक, हेटौंडा । मकवानपुर क्षेत्र नम्बर–२ मा नेकपा एमालेका उम्मेदवार तथा एमाले बागमती प्रदेस उपसचिव महेश कुमार बर्तौलाले सुकुम्बासी समस्याको समाधान आफ्नो मुख्य प्राथमिकता रहेको बताएका छन् ।
हेटौंडा उपमहानगरपालिका वडा नम्बर–११, सिमल्टारमा आयोजित कार्यकर्ता भेटघाट कार्यक्रममा बोल्दै उहाँले, बषौंदेखिका सुकुम्वासीका समस्या समाधान थाल्नका लागि आफुले काम गरेर देखाउने बताए । 
जनताले आवस्यक पर्दा पिर, मर्का र दुखमा सदैभ जनतासंगै रहने प्रतिवद्धता जनाउँदै उनले समग्र युवाहरुले जिम्मेवारी पाउँदा काम गर्न सक्छन् भन्ने प्रमाणित गर्न पनि असाधारण काम गर्ने योजना बनाएको बताए । ‘सिमल्टारबासिको अघिल्तिर राप्ती भए पनि पिउने पानी अभाव छ । सिमल्टार लगायत मेरो निर्वाचन क्षेत्रभरको यस्तो खाल्को समस्या समाधान गर्ने गरि काम गर्छु ।’ बर्तौलाले भने ।
पात्रको हिसाबले आफु रहेपनि उम्मेदवारी सबै युवा भावनाहरुको प्रतिनिधित्व गर्ने गरेर उठेको बर्तौलाको भनार्य थियो । अहिले आफु सबैको साझा उम्मेदवारको रुपमा अगाडी बढेको उनले दावी गरे । 
एमाले हेटौंडा–११ कमिटीका अध्यक्ष कृष्ण प्रसाद उप्रेतिको अध्यक्षतामा भएको कार्यक्रममा एमाले मकवानपुरका सदस्य सन्तोष चौलागाईं, पार्टी जिल्ला नगर कमिटी अध्यक्ष शालिकराम पुडासैनी लगायतकाको आतिथ्यता रहेको थियो ।