देशमा सुसाशन र समृद्धिका लागि गठबन्धनको जित आवश्यक : मोक्तान

१५ कार्तिक,हेटौंडा। नेकपा (माओबादी केन्द्र)की पोलिटब्युरो सदस्य, मकवानपुर ईञ्चार्ज तथा प्रदेश सभा मकवानपुर २ (क)  उम्मेदवार मोक्तानले स्थिर सरकार, सुसाशन र समृद्धिको लागि गठबन्धन नेतृत्व दलका उम्मेदवारले जित्न आवश्यक रहेको बताइन ।
मंगलबार भीमफेदी गाउँपालिका वडा नम्बर २ स्थित कालिकाटारमा आयोजित कार्यकर्ता भेटघाट तथा अन्तरक्रिया कार्यक्रममा बोल्दै मोक्तानले यसो बताएकी हुन्। 
मोक्तानले कार्यक्रममा बोल्दै पछडिएको आफ्नो निर्वाचन क्षेत्रमा भौतिक तथा सामाजिक परिवर्तनका लागी सहकार्य गर्दै विकासका पूर्वाधारमा आयाम थपेको सुनाइन। बागमती प्रदेश सामाजिक बिकास मन्त्री समेत रहनुभएको मोक्तानले प्रदेश सरकारबाट भीमफेदी गाउँपालिकामा मात्र दुई अर्ब ८८ करोड रुपैया बजेट बिभिन्न शीर्षकमा प्राप्त भएको बताइन । 
‘यो शिर्षको बजेट  गठबन्धन सरकारले ल्याएको हो । जहाँ काम भएको छैन, विकासको काम सम्बेधन गर्न बाँकी छ, त्यस्तो ठाउँमा पनि हामी सम्वोधन गर्दै जानेछौं’-मोक्तानले भनिन।नेपाली कांग्रेस भीमफेदी २ नम्बर वडाकी सभापति मन्जु थापा मगरको सभाध्यक्षतामा भएको कार्यक्रममा नेकपा माओवादी केन्द्र बागमती प्रदेश सदस्य लवशेर विष्ट, नेकपा एकिकृत समाजवादीका मकवानपुर सचिब विष्णु दाहाल, नेपाली कांग्रेसका नेता खड्ग गोपाली, यतिराज सापकोटा, नेकपा माओवादी केन्द्र भीमफेदीका नेता बद्रि बहादुर स्याङ्तान, अप्सरा लामा, नेपाली कांग्रेसका नेता नारायण थापा लगायतको आतिथ्यता रहेको थियो ।