रजैया बस्ती बचाउन बाइपास सडक निर्माणमा जोड दिन्छुः बतौैला

१८ कार्तिक, हेटौंडा । नेकपा एमालेका तर्फबाट मकवानपुर निर्वाचन क्षेत्र नम्बर–२ का उम्मेदवार महेश बर्तौलाले मनहरीको रजैया बस्ती बचाउदै बाइपास सडक निर्माणमा जोड दिने बताएका छन् ।
मनहरीको रजैयामा आयोजित कोणसभा तथा भेटघाट कार्यक्रममा बोल्दै बर्तौलाले परजैया बस्तिलाई राप्तिखोलाबाट बचाउदै रजैया देखि आश्रम क्षेत्र सम्म बाइपास सडक निर्नाणमा आफुले काम गर्ने प्रतिवद्धता व्यक्त गरे ।
उनले कार्यक्रमपछि रजैया आसपास र ज्यामिरेको केही क्षेत्रका स्थानीयसँग भेटघाट समेत गरेका थिए । कार्यक्रममा क्षेत्र नम्बर–२ को (ख) का उम्मेदवार लालबहादुर थापाले जनता सचेत भैसकेको र कुहिएको बोराको चामल, दुई पाकेट चाउचाउ र एक बोतल बियरमा जनताले आफ्नो अभिमत बिक्री नगर्ने दावी गरे । 
कार्यक्रममा एमाले मकवानपुरको नेता श्रीधर पोखरेलले एमालेको उम्मेदवार ३२ लक्षणले युक्त रहेको दावी गरेका थिए । पोखरेलले गठबन्धनका उम्मेदवारलाई इंगित गर्दै भोटे कुकुर पालेर गेटमा ठुला ताल्चा झुंड्याउने काजी साप जसरी बोरामा लुटेको धन बोकेर गाउँ पसेको आरोप लगाए । 
उनले मंसिर ४ गते जनताले सुर्य ध्वजाबाहक उम्मेदवारलाई जिताएर न्याय गर्ने र एमालेको सरकार निर्माण भइ पाँच बर्ष जनमुखी काम गरिने दावी गरे ।