मनमोहन प्राविधिक विश्वविद्यालयको मकवानपुरे पत्रकारसँग अन्तरक्रिया

१९ कार्तिक,हेटौंडा। प्रदेश नम्बर-१ को मोरङ जिल्लाको बुढिगंगा-१ मा अवस्थित  मनमोहन प्राविधिक विश्वविद्यालयले मकवानपुरका  पत्रकारसँग अन्तरक्रिया गरेको छ।विश्वविद्यालयको भर्ना अभियानको टोलीले हेटौंडामा पत्रकारसँग अन्तरक्रिया गरेको हो। 

अन्तरक्रिया कार्यक्रममा बोल्दै विश्वविद्यालयका डीन डा. प्रचण्ड मान प्रधानले प्रदेश १ मा स्थापना भएको देशकै पहिलो विश्वविद्यालको बारेमा बताउदै  अध्यापन हुने विषय, भर्ना प्रकृयाका बारेमा जानकारी गराएका थिए।अन्तरक्रियामा विश्वविद्यालयका ईन्जिनियर नरेन्द्रकुमार डाँगीले विश्वविद्यालयको दोस्रो शैक्षिक सत्रका लागि वी.ई.ईन. सिभिल इन्जिनियरिङ र वी.ई.ईन. इलेक्ट्रिकल एन्ड इलेक्ट्रिोनिक्स इन्जिनियरिङमा भर्ना खुलेको जानकारी गराएका थिए।  

विश्वविद्यालयमा स्नातक तहको चारवर्षे इन्जिनियरिङ विषयमा सिभिलतर्फ ४८ जना र इलेक्ट्रिकल एन्ड इलेक्ट्रोनिक्सतर्फ २४ जना विद्यार्थीले भर्ना हुन पाउनेछन।उक्त कोर्स पढन साधारण नेपाली विद्यार्थीले पाँच लाख ८५ हजार रुपैयाँ, विदेशी विद्यार्थीले आठ लाख ७७ हजार पाँच सय रुपैयाँ र प्रयोजित विद्यार्थीका लागि सात लाख ३१ हजार दुई सय ५० रुपैयाँ शुल्क निर्धारण गरिएको जनाइएको छ।