हेटौंडा-६ र ७ मा लोकतान्त्रिक बाम गठबन्धनको चुनावीसभा

२४कार्तिक,हेटौंडा। बिहीबार लोकतान्त्रिक बाम गठबन्धनले हेटौंडामा संयुक्त रुपमा चुनावी सभाको आयोजना  गरेको छ।गठबन्धन नेतृत्व दलले हेटौंडा-६ चौघडा र हेटौंडा-७ नागस्वतीमा चुनावीसभा आयोजना गरेको हो। 

लोकतान्त्रिक बाम गठबन्धनका तर्फबाट मकवानपुर क्षेत्र नम्बर-१ की प्रतिनिधिसभा की उम्मेदवार महालक्ष्मी उपाध्याय डिना र प्रदेशसभा -१ ( ख) का उम्मेदवार आनन्दराम पराजुलीले संयुक्त रुपमा उक्त चुनावीसभालाई सम्बोधन गरेका छन्। सम्बोधनका क्रममा बोल्दै प्रतिनिधिसभा की उम्मेदवार डिनाले गठबन्धन नेतृत्व दलले देशको निकास दिने बताउदै मतदातालाई गठबन्धन दलका उम्मेदवारलाई मत दिन आग्रह गरिन। डिनाले सूर्य चिन्ह किनेर आएका उम्मेदवारलाई कसरी मत दिने  प्रश्न गर्दै हिजो जनतालाई गोली ठोक्न आदेश दिनेलाई जनताले ठेगान लगाउने समय आएको बताइन्।

त्यसैगरी दुवै स्थानको सभालाई सम्वोधन गर्दै प्रदेशसभा-१ (ख) उम्मेदवार आनन्दराम पराजुलीले आफ्नो एजेन्डामा विपक्षीले गरेको खण्डन गर्नु भन्दा पनि चुनाव जितेर काम नगर्नेहरुलाई भोट दिनुको औचित्य समाप्त भएको उदघोष गरेका थिए। हेटौंडा-६ ,मा भएको कार्यक्रमको  सभाअध्यक्षता कांग्रेस ६ नम्बर वडा सभापति रामहरि तिमल्सिना र  ७ नम्बरमा भएको कार्यक्रमको सभाअध्यक्षता लोकतान्त्रिक बाम गठबन्धन चुनाव परिचालन संयोजक अर्जुन प्रसाद गौतमको रहेको थियो। कार्यक्रममा गठबन्धन नेतृत्व दलका नेताले सम्बोधन गरेेेका थिए भने नेेेता कार्यकर्ताको उपस्थिति रहेको थियो।