नामटारमा महेशलाई स्थानीयले गरे स्वागत

२७ कार्तिक, नामटर । नेकपा एमालेका तर्फबाट मकवापनुर क्षेत्र नम्बर–२ का उम्मेदवार महेश कुमार बर्तौलालाई नामटारमा स्थानीय वासिन्दाले स्वागत गरेका छन् । साविकको नामटार गाविसमा जन्मिएका बतौंला आफ्नै गाउँमा उम्मेदवारका रुपमा कार्यक्रममा पुग्दा स्थानीयले स्वागत गरेका हुन् ।
नामटारको इतिहासमानै पहिलो पटक स्थानीय क्षेत्रको प्रतिनिधीसभाको सदस्यका उम्मेदवारका रुपमा बतौलालाई पाउँदा उनीहरुले औपचारिक कार्यक्रममा भाषण गर्दा निकै खुसी व्यक्त गरेका छन् । 
कार्यक्रममा बोल्दै बर्तौलाले आफुले यस क्षेत्रको सबैखाले समस्या बुझेको र समाधान गर्न तयार रहेको बताए । उनले पहिलेका उम्मेदवारहरुले हरेक चुनावमा नामटारमा पुग्ने पक्की सडक निर्माणको कुरा उठाएपनि कार्यान्वयन नगरेको भन्दै आफुले बोलेका कुरा पुरा गरेर देखाउने दावी गरे ।
यसैगरी आइतबार नै कैलाश गाउँपालिकाको कालिकाटारमा आयोजित सभामा बोल्दे बर्तौलाले जिल्लाको विकट क्षेत्रको हरेक विकासका काममा आफु सधै साथमा रहने बताए । कार्यक्रममा एमालेका तफृबाट क्षेत्र नम्बर–२ को (ख) का उम्मेदवार लाल बहादुर थापाले आफुले यस क्षेत्रमा जित्नेमा कुनै संका  नरहेको बताउँदै अरुले फोस्रा आस्वासन मात्र बाड्ने र आफुले काम गरेर देखाउने दावी गरे ।