हेटौंडा ७ मा एमालेका उम्मेदवारहरुको घरदैलो

२८ कार्तिक, हेटौंडा । नेकपा एमालेका उम्मेदवारहरुले चुनावी अभियानको क्रममा हेटौंडा ७ मा घरदैलो कार्यक्रम गरेका छन् । एमालेबाट मकवानपुर १ को प्रतिनिधिसभा सदस्यको उम्मेदवार बनेका राप्रपा नेपालका अध्यक्ष कमल थापा र प्रदेशसभा सदस्यको उम्मेदवार एकालाल श्रेष्ठले घरदैलो गरेका हुन् । 
घरदैलो कार्यक्रममा दुवैजना उम्मेदवारले आफूहरुलाई जिताएमा यस क्षेत्रमा विकासको काम तीव्र गतिमा अगाडी बढाउने प्रतिवद्धता जनाएका छन् । एमालेले जिते वडाको समग्र विकासलाई निरन्तरता दिने बताएका थिए । 
गुणस्तरीय शिक्षा, प्रत्येक व्यक्तिलाई खेलकुदसंग जोड्ने, कृषकले गुणस्तरीय उत्पादन गर्ने वातावरणको सिर्जना गर्ने, सडक र पूर्वाधार गुणस्तरीय बनाउने, बिद्युतीकरण गर्ने, सामुदायिक भवन निर्माण र जेष्ठ नागरिकको लागि दिवा सेवा भवन सञ्चालन गर्ने उनीहको भनाई थियो । 
वडाको शैक्षिक, खेलकुद, किशोरकिशोरी, बालबालिका, महिला, कृषि, स्वास्थ्य, भौतिक पूर्वाधार, साँस्कृतिक तथा पर्यटन विकासलाई प्राथमिकता दिएर काम गर्ने उम्मेवारहरुको भनाई थियो । भूमिहिन सुकुम्बासीलाई लालपुर्जा दिने, जेष्ठ नागरिकलाई सम्मान गर्ने, १० हजार लिटरसम्म पिउने पानी निःशुल्क गर्ने उनीहरुको भनाई थियो ।