जिल्ला प्रहरी कार्यालय कालिकोटमा पुस्तकालय स्थापना

१५मंसिर,कालिकोट। जिल्ला प्रहरी कार्यालय कालिकोटमा पुस्तकालय स्थापना गरिएको छ। 

सँगै मिलेर पढौ भन्ने नाराका साथ कालिकोट प्रहरीले कार्यालयमै पुस्तकालय स्थापना गरिएको जिल्ला प्रहरी कार्यालय कालिकोटमा प्रमुख प्रहरी नायव उपरीक्षक जयश्वर रिमालले बताएका छन्। 

प्रहरी हिरासतमा रहेका थुनुवाहरुलाई केन्द्रित गरी शुरु गरिएको  पुस्तकालय जिल्ला प्रहरी प्रमुखको अनुरोधमा क्रिडाक नेपाल र सेभ द चिल्ड्रेनको साझेदारीमा सञ्चालित सहयात्रा परियोजनाको आर्थिक सहयोगमा शुरु स्थापना गरिएको रिमालले बताए। 

"स्थान अभावको कारण कार्यालय प्रमुखको कार्यकक्षलाई नै पुस्तकालयको रुप दिइएको र यसलाई तत्कालै छुट्टै कोठामा व्यवस्थित गर्ने योजना रहेको छ"- प्रहरी नायब उपरीक्षक रिजालले भने।

बाल निगरानीमा रहेका बालबालिका तथा थुनुवाहरुमा सकारात्मक सोच बिकास गर्न तथा अध्ययनको गर्ने बानिको विकास गर्न पुस्तकालय स्थापना गरिएको जनाइएको छ।पुस्तकालय जिल्ला प्रहरी कार्यालयमा कार्यरत प्रहरी कर्मचारी, जिल्लास्थित अन्य सरकारी कार्यालयमा कार्यरत कर्मचारी तथा अन्य सर्वसाधारण पाठकहरुका लागि समेत खुल्ला गर्ने योजना रहेको रिमालले सुनाए। हाल पुस्तकालयमा ७५ वटा साहित्यिक पुस्तकहरु, १४ वटा कानूनी पुस्तकहरु राखिएको जनाइएको छ।