वाम गठबन्धनको आमभन्ञ्याङमा कोण सभा

२९ कार्तिक, हेटौँडा । मकवानपुरगढी गाउपालिका वडा नम्बर ५ को चुनाबी कोण सभा बुधबार आमभन्ज्याङमा सम्पन्न भएको छ । क्षेत्र नम्बर २ प्रदेश सभा क का उम्मेदवार कुमारी मोक्तानको प्रमुख आतिथ्यमा भएको कार्यक्रममा माओवादी केन्द्रका विष्णु विष्ट, प्रकाश पाण्डे, नेकपा एमालेका पार्वती राना, विदुर हुमागाई,जित बहादुर घिमिरे लगायतले मन्तव्य व्यक्त गरेका थिए । सभालाई सम्बोधन गर्दै उम्मेदवार मोक्तानले वाम गठबन्धनले नागरिकमा खुसी ल्याएको भन्दै समृद्ध नेपाल निर्माणको लागि गठबन्धनको उम्मेदवारलाई मतदान गर्नुपर्ने बताईन् । कार्यक्रम निर्बाचन परिचालन कमिटि संयोजक बिष्णु द्ङगालको सभाध्यक्षतामा सम्पन्न भएको थियो ।
१४ नम्बर वडामा कार्यालय उद्घाटन
हेटौंडा उपमहानगरपालिका वडा नम्बर १४ मा प्रचार कार्यालय उद्घाटन गरिएको छ । क्षेत्र नम्बर १ का उम्मेदवार कृष्ण प्रसाद दाहालको प्रमुख आतिथ्यमा कार्यालय उद्घाटन गरिएको हो । कार्यक्रममा क्षेत्र नम्बर १ प्रदेश सभा ख का उम्मेदवार डोरमणी पौडेल नेताहरु अनन्त पौडेल, बालकृष्ण चौलागाई, रत्नलाल बिश्वकर्मा लगायतकाको उपस्थिति रहेको थियो । कार्यक्रम दिपक खड्काको अध्यक्षतामा भएको हो ।