इन्द्रसरोबर घटना: हत्यामा संलग्न मकवानपुर प्रहरीद्वारा सार्वजनिक

२७ मंसिर,हेटौंडा। मकवानपुर प्रहरीले मकवानपुरको इन्द्रसरोबरमा भएको घटनाको अभियुक्तलाई सार्वजनिक गरेको छ।जिल्ला प्रहरी कार्यालय मकवानपुर मंगलबार पत्रकार सम्मेलन गरी वाईबाको हत्यामा संलग्न ३३ वर्षीय रोज वाईबालाई सार्वजनिक गरेको हो ।

पत्रकार सम्मेलनमा बोल्दै मकवानपुरका निमित्त प्रहरी प्रमुख प्रहरी नायव उपरीक्षक टेक बहादुर कार्कीले हत्यामा संलग्न भएको आरोपमा अनुसन्धानका लागि पक्राउ परेका वाइवाले अनुसन्धानका क्रममा सरस्वतीलाई हत्या गरेको स्वीकार गरेको बताएका थिए।  

"हामी थप अनुसन्धानमै छौ,अन्य कोही संलग्न छन् की भनेर सूक्ष्म अध्ययन गरिरहेका छौ"- प्रहरी नायब उपरीक्षक कार्कीले पत्रकार सम्मेलनमा भने।

गत २५ गते आइबार बिहान मकवानपुरको उत्तरी क्षेत्र इन्द्रसरोबर गाउँपालिका वडा नम्बर ३ ज्यामिरेमा खाल्डोमा पुरिएको अवस्थामा एकजना महिलाको शव फेला परेको थियो।शब एकहप्ता अघि हराएको भनिएकी सोही स्थानकी ३६ बर्षीय सरस्वती वाइबाको रहेको पुष्टि भइसकेको छ।

शुक्रबार वाइवाका श्रीमान विरबहादुरले श्रीमती हराएको भनि जिल्ला प्रहरी कार्यलय मकवानपुरमा खोजी गरिदिन भन्दै फोटो सहित निदेवन दिएका थिए । विरबहादुर वाइवाले आफैले खोज्ने क्रममा हिजो शनिवार साँझ श्रीमतीको शव खाल्डोमा पुरिएको अवस्थामा भेटिएको भन्दै प्रहरीलाई जानकारी गराएका थिए। शव स्थानीय ठुलोकान्छा वाईबाको घरभन्दा ५० मिटर पर बारीमा अनुहार र कपडाको केही भाग मात्र देखिने गरि खाल्डोमा पुरिएको अवस्थामा भेटेपछि श्रीमान विहरबहादुरले प्रहरीलाई खबर गरेका थिए। प्रहरी चौकी सिस्नेरी र जिल्ला प्रहरी कार्यलय मकवानपुरबाट खटिएको प्रहरी टोलीले घटनाको बारेमा जानकारी लिएर मुचुल्का तयार पारी अनुसन्धान थालेको थियो। प्रहरीले  रोजलाई  आवश्यक अनुसन्धानका लागि आइतबारनै नियन्त्रणमा लिएको थियो।