लोकतान्त्रिकको बाग्मती  र बकैयामा  कार्यलय उद्घाटन 

३० कार्तिक, हेटौँडा । लोकतान्त्रिक गठबन्धनको निर्वाचन प्रचार प्रसार अभियानका लागी विहिबार मकवानपुरको प्रतिनिधि सभा क्षेत्र नम्बर १ को प्रदेश सभा क अन्तर्गत बकैया र बाग्मती गाउँपालिकाको विभिन्न वडाहरुमा निर्वाचन प्रचार प्रसार समिति निर्माण गरिएको छ ।

मकवानपुरको बाग्मती गाउँपालिका वडा नम्बर २ मा विहिबार नेपाली कांग्रेसका जगत बहादुर भोलनको संयोजकत्व तथा राप्रपाका चरणकाजी श्रेष्ठको सह–संयोजकत्वमा १ सय १ सदस्यीय निर्वाचन प्रचार समिति निर्माण गरिएको हो । यसैगरी विहिबारनै मकवानपुरको बकैया गाउँपालिकाको वडा नम्बर ३, ८ र ९ मा पनि लोकतान्त्रिक गठबन्धनले निर्वाचन प्रयोजनका लागी सम्पर्क कार्यलय स्थापना गरेको छ ।

गठबन्धनले बकैया गाउपालीकाको वडा नम्बर ३ मा दिलबहादुर बोम्जन, ८ मा कृष्णबहादुर गोलेका र ९ मा तीर्थ बहादुर लुम्बाको अध्यक्षतामा कार्यक्रम भएको हो । कार्यक्रममा लोकतान्त्रिक गठबन्धनका तर्फबाट प्रदेश सभा क का उम्मेदवार धर्म लामिछाने, प्रदशे सभा क्षेत्र नम्बर १ को निर्वाचन परिचालन समितिका संयोजक रामचन्द्र अर्याल माइकल, सहसंयोजक नबराज विष्ट, राप्रपाका जिल्ला सदस्य शालिकराम लामिछाने, नेपाली कांग्रेसकी नेतृ रीता खनाल, इन्दिरा न्यौपाने लगाएतको उपस्थिति रहेको थियो ।