काँग्रेस-राप्रपाको दिन सकियो : दाहाल

३० कार्तिक, हेटौंडा । बाम गठबन्धनका तर्फबाट मकवानपुर क्षेत्र नम्बर १ का उमेद्वार कृष्णप्रसाद दाहालले अब नेपाली कांग्रेस र राप्रपाको दिन सकिएको दावि गरेका छन् । 
बिहिबार हेटौंडा १५ मा बामगठबन्धनको चुनाब प्रचार प्रसार कार्यालय उद्घाटन गर्दै उमेद्वार दाहालले यस अगाडि काँग्रेस र राप्रपाले जे–जे गरेपनि मंसिर १० र २१ गते हुने प्रतिनिधि सभा र प्रदेश सभाको निर्बाचनमा बामगठबन्धनको बिजय पछि उनीहरुको दिन सकिने उनको भनाई थियो  । 
कार्यक्रममा बोल्दै क्षेत्र नम्बर १ प्रदेश ख का उमेद्वार डोरमणी पौडेलले आफ्नो क्षेत्रको बिकासका लागि बाम गठबन्धनलाई मतदान गर्न आग्रह गरे । आफ्ना कार्यकर्ताहरूलाई संयमता पुर्वक कार्यक्षेत्रमा लाग्न आग्रह गर्दै विरोधिहरूका गलत गतिबिधिको भण्डाफोर गर्नुपर्ने बताए । बामगठबन्धन १५ नम्बर निर्बाचन परिचालन कमिटिका संयोजक सुनिल मोक्तानको सभाध्यक्षतामा भएको कार्यक्रममा पूर्व सांसद अनन्त पौडेल, एमाले प्रदेश सदस्य रामचन्द्र राई, एमाले मकवानपुरका उपाध्यक्ष एवं बामगठबन्धनको क्षेत्र नम्बर १ का निर्वाचन परिचालन कमिटिका संयोजक बद्रि लम्साल, सहसंयोजक भिम पाख्रिन, प्रदेश ख का संयोजक श्रीधर पोख्रेल, सहसंयोजक बालकृष्ण चौलागाईं, हेटौंडा उपमहानरपालिकाकी उपमेयर मिना लामालगायत सहभागी थिए ।