फेकोफन वागमती प्रदेशको हेटौंडामा संवाद कार्यक्रम

२पुस,हेटौंडा। सामुदायिक वन उपभोक्ता महासंघ(फेकोफन) बागमती प्रदेशको आयोजनामा बागमती प्रदेशको राजधानी  हेटौंडामा समृद्धिका लागि वन प्रादेशिक निती बिषयक संवाद कार्यक्रमको सम्पन्न भएको छ। 

फेकोफन बागमती प्रदेश अध्यक्ष विनोद सापकोटाको सभाअध्यक्षतामा भएको कार्यक्रमको प्रमुख आतिथ्यता फेकोफन केन्द्रीय अध्यक्ष तथा वागमती प्रदेश सदस्य भारती पाठकको रहेको थियो।

कार्यक्रमलाई सम्बोधन गर्दै प्रमुख अतिथी पाठकले वन व्यवस्थापनका लागि वनेको कार्य योजना तथा ऐन सामुदायिक वनलाई जानकारी नभएको सुनाउदै सामुदायिक वनका लागि बनेको ऐन सही ढङ्गले व्यवस्थापन गर्न अनुरोध गरिन। उनले संवाद कार्यक्रममा वन सम्बन्धी जारी भएको नियमावली फेकोफनसँग सहमत भएको भन्दा विपरित भएको सुनाइन। कार्यक्रममा वन विज्ञा डाक्टर गंगाराम दाहाल र वागमती प्रदेश वन तथा वातावरण मन्त्रालयका सचिव डाक्टर सिन्धु ढुङ्गगानाले  कार्यपत्र प्रस्तुत गरेका थिए। 

केन्द्रीय कार्यक्रम अन्तर्गत फेकोफनले सात वटै प्रदेशमा आयोजना गरेको कार्यक्रम शनिबार बागमती प्रदेशको हेटौंडामा समृद्धिका लागि वन प्रादेशिक निती बिषयक संवाद कार्यक्रम आयोजना गरेको हो।कार्यक्रममा फेकोफन पुर्व अध्यक्ष घनश्याम पाण्डे,महासचिव   विर्ख बहादुर शाही,सचिव पार्वता गौतम लगायतले मन्तव्य व्यक्त गरेका थिए। कार्यक्रममा फेकोफनका बागमती प्रदेशका विभिन्न सामुदायिक वनका अध्यक्ष तथा पदाधिकारीहरुको उपस्थिती रहेको थियो।