उम्मेदवार लामिछाने मन्थली र ठिङ्गनको   घरदैलोमा 

१ मंसिर , हेटौँडा । लोकतान्त्रिक गठबन्धनको निर्वाचन प्रचार प्रसार अभियानका लागी विहिबार मकवानपुरको प्रतिनिधि सभा क्षेत्र नम्बर १ को प्रदेश सभा क अन्तर्गत बकैया  गाउँपालिका १० मन्थली र वडा नम्बर ११  ठिङ्गनको घ्याम्पे, सिमातमा  घरदैलो तथा अगुवा कार्यकर्ता भेला सम्पन्न गरेको छ । 
लोकतान्त्रिक गठबन्धनका तर्फबाट प्रदेश सभा क का उम्मेदवार धर्म लामिछाने र  प्रदेश सभा क्षेत्र नम्बर १ को निर्वाचन परिचालन समितिका संयोजक रामचन्द्र अर्याल माइकलको आतिथ्यतामा घरदैलो तथा अगुवा कार्यकर्ता भेला सम्पन्न  भएको हो । 
मकवानपुर क्षेत्र नम्बर १ अन्तरगत प्रदेशसभा १ का उम्मेदवार धर्मराज लामिछानेले ठिंगन र मन्थली क्षेत्रको विकासका लागि नेपाली कांग्रेसले गरेको विकासबाट जनता उत्साही भएको बताएका छन् । 
मन्थलीमा भएको चुनावी सभामा बोल्दै उम्मेदवार लामिछानेले बर्षौ कम्युनिष्टहरुले जित्दा बनाउन नसकेको शिखरपुर मन्थली सडक नेपाली कांग्रेसले विजय हासिल गरेपनि बनेको भन्दै यस क्षेत्रको शिक्षा, स्वास्थ्य, सडक, खानेपानीमा विगतमा सहयोग गरेको बताए ।  उनले  विकास गर्नको लागि आफु  प्रदेशसभाको लागि १ नम्बर क्षेत्रमा आएको र यस पटक लोकतान्त्रिक गठबन्धनको पक्षमा मतदान गर्न मतदातालाई आग्रह गरे ।  
कार्यक्रममा प्रदेश सभा क्षेत्र नम्बर १ को निर्वाचन परिचालन समितिका  सहसंयोजक नबराज विष्ट, राप्रपाका जिल्ला सदस्य शालिकराम लामिछाने, नेपाली कांग्रेसकी नेतृ रीता खनाल, इन्दिरा न्यौपाने लगाएतको उपस्थिति रहेको थियो ।