सालक संरक्षण सम्बन्धी हेटौंडामा समन्वयात्मक बैठक

७ पुस,हेटौडा ।  लोपोन्मुख एवम संरक्षित सूचीमा रहेको सालकको संरक्षण, संख्यामा वृद्धि, आहार, यसको फाईदा, कानूनी प्रावधान लगायतका विषयहरुमा विहिवार हेटौडामा समन्वयात्मक बैठक भएको छ ।

बैठकमा हिमालयन नेचरका परियोजना अधिकृत प्रदीप सेढाईले नेपालमा सालक संरक्षणको अवस्थाको बारेमा कार्यपत्र प्रस्तुत गरेका थिए । बैठकमा सहभागिहरुले सालक संरक्षणमा समुदाय सक्रिय हुनु पर्ने, पर्सा वन्यजन्तु आरक्षले सहयोग गर्नु पर्ने, स्थानीय तहले सहजीकरण गर्नु पर्ने, बादरबाट हुने क्षेतीको सरकारले उचित क्षेतिपूर्ती दिनु पर्ने र सालकको संख्यामा वृद्धि गर्न जनचेतना बढाउने लगायतका विभिन्न प्रकारका कार्यहरु गर्नु पर्नेमा जोड दिएका थिए ।

बैठकमा डिभिजन वन कार्यालय, राप्तीका सहायक वन अधिकृत गगन शर्मा, चुच्चेखोला सामुदायिक वनका अध्यक्ष अर्जुनप्रसाद दाहाल र रानी सामुदायिक वनका कार्यालय सचिव भीमसेन पौडेलले सालक संरक्षणमा सामुदायिक वनले गरेका विभिन्न कार्यहरुको बारेमा जानकारी गराउनु भएको थियो ।बैठकमा चेतना मध्यवती सामुदायिक वनका अध्यक्ष बंशी गोपाल कँडेल, लोकहित सामुदायिक वनका अध्यक्ष चन्द्र बहादुर मोक्तान लगायतकाले सालकको संरक्षणमा गरेका कार्यहरुको बारेमा जनकाारी गराउनु भएको थियो ।

बैठकमा चुच्चेखोला सामुदायिक वन, चेतना मध्यवर्ती सामुदायिक वन र सिटु मध्यवर्ती सामुदायिक वनका पदाधिकारी र उपभोक्ता पदाधिकारीको सहभागिता थिया