मकवानपुरको भैसेमा पिकअप दुर्घटना: एकको मृत्यु ८ घाइते

१७ पुस,हेटौंडा। मकवानपुरको भैसेमा पिकअप भ्यान दुर्घटना हुदा एकजनाको ज्यान गएको छ भने ८ जना घाइते भएका छन्। 

आइतबार बिहान त्रिभुवन राजपथ अन्तर्गत भिमफेदी-२ भैसे आँपचौर नजिक थहानगरको दामन तर्फ जादै गरेको  ना ४ च ९४१ नम्बरको पिकअप भ्यान आफै अनियन्त्रित भई नालिमा दुर्घटना  बारा बिश्रामपुर गाउँपालिमा-३ बस्ने अन्दाजी १८/२० बर्षीय राहुल कुमार  पण्डितको ज्यान गएको हो।दुर्घटनामा घाइते उनको उपचारको क्रममा हेटौडा अस्पताल मृत्यु भएको मकवानपुर प्रहरीले जनाएको छ। 

त्यसैगरी दुर्घटनामा सोही स्थान बस्ने २७ बर्षीय अजय चौरसिया,भारतको झारखण्ड घर भएका ३६ बर्षीय बिजय दास, पर्सा बिरगंज माहानगरपालिका १७ बस्ने १८ बर्षीय सुमित गुप्ता,पर्सा बौदरमाई -५ बस्ने २६ बर्षीय दिनानाथ प्रसाद, बारा बिश्रामपुर - ३ मुसरहवा बस्ने अन्दाजी१८ बर्षीय सिबजी साह, बारा बिश्रामपुर-३ मुसरहवा बस्ने अन्दाजी १८ बर्षीय धिरज चौरसिया र सोही स्थान बस्ने १७ बर्षीय पप्पु कुमार गुप्ता र  पर्साको बौदरमाई ५ बस्ने अन्दाजी २८ बर्षीय उमेस कुशवाह रहेको मकवानपुर प्रहरीले जनाएको छ। 

घाइते सबैको हेटौंडा अस्पतालमा उपचार भइरहेको अवस्था मध्यम रहेको मकवानपुरका प्रहरी प्रवक्ता प्रहरी नायब उपरीक्षक टेक बहादुर कार्कीले जनाएका छन्। पिकअप चलाक भने सम्पर्क नरहेको र खोजी कार्य भइरहेको जनाइएको छ।