लमजुङ र ओखलढुंगामा बम विस्फोट   

२ मंसिर, हेटौडा । लमजुङ सदरमुकाम  बेसीशहरमा शनिबार बिहान कित्ली बक फेला परेको छ ।  नेपाली काङग्रेसको आयोजनामा शनिबार हुन लागेको आम सभालाई लक्षीत गरी उक्त बम राखिएको हुनसक्ने प्रहरीले अनुमान गरेको छ ।

 बिहान करिब ७ बजे स्थानीयले संस्कास्पद वस्तु देखेपछि प्रहरीलाई खबर गरेको  र  नेपाली सेनाको बम डिस्पोजल टोलीले  निष्क्रिय पारेको लमजुङका  प्रमुख जिल्ला अधिकारी युवराज मैनालीले जानकारी दिए । उक्त बम काँग्रेस पार्टी कार्यालयबाट करीब १०० मिटरको दुरीमा रहेको थियो । अन्य ठाउँमा पनि बम हुनसक्ने भन्दै सेना, सशस्त्र प्रहरी र नेपाल प्रहरीले खोजी कार्य गरिरहेको  प्रजिअ मैनालीले बताए । उक्त कार्यक्रमलाई  काँग्रेसका वरिष्ट नेता रामचन्द्र पौडेल, महामन्त्री डा.शंशाक कोइराला लगायताका नेताहरुलेसम्बोधन गर्ने कार्यक्रम रहेको  अहिले ठुलो संख्यामा प्रहरी परिचालन गरिएको छ  । 
त्यसैगरी आज बिहान  ओखलढुंगामा वाम गठबन्धन र नेपाली काँग्रेसको चुनावी सभामा सहभागी हुन कार्यकर्ता चढेको बस तथा जीपलाई लक्षित गरी बम विस्फोट गराईएको छ । सुनकोशी गाउँपालिका–७ च्यानममा बम विस्फोट भएको प्रहरीले जनाएको छ । त्यस्तै  सल्यानमा अज्ञात समुहले  बामगठबन्धनको निर्वाचन प्रचार सामाग्री पनि जलाइएको छ । 
जिल्लाको बागचौर नगरपालिका ३ खालीमा प्रचारमा रहेको बामगठबन्धनका कार्यकर्तासँग सामाग्री खोसेर जलाइएको हो । प्रचार सामाग्री कसले र किन जलाएको पुष्टिी भईनसकेमो प्रहरीले जनाएको छ ।