लोकतान्त्रिकले जिते हेटौंडा राजधानीः अध्यक्ष थापा       

२ मसिर, हेटौँडा । उपप्रधान, उर्जा मन्त्री एवम् मकवानपुर क्षेत्र नम्बर १ प्रतिनिधिसभा उमेदवार कमल थापाले लोकतान्त्रिक गठबन्धनले जिते हेटौंडा ३ नम्बर प्रदेशको राजधानी हुने ठोकुवा गरेका छन् ।

बकैया गाउँपालिका–२ धियाँलमा आयोजित सभालाई सम्बोधन गर्दै हेटौंडा अस्थायी राजधानीसँगै समग्र मकवानपुरको विकासमा लोकतान्त्रिक गठबन्धनले मात्र भुमिका निर्वाह गरेको दाबी गरे । मकवानपुरको विकट क्षेत्रमा मोटर बाटोदेखि विद्युत, खानेपानीलगायत विकासका पूर्वाधारका लागि अहम भूमिका भएको त्यस्तो भूमिकाको उच्च मूल्याङ्कन गरेर मत दिन उनले आग्रह गरे । 

 त्यसैगरी बकैया–१ मेरङ्गेमा भएको सभामा बोल्दै मकवानपुर १ प्रदेशसभा क का उमेदवार धर्मराज लामिछानेले लोकतान्त्रिक गठबन्धनलाई जिताउन जनता घरघरबाट उर्लिएको बताए । उनले जनताको चाहना अनुरुपको पवित्र गठबन्धनले मात्र देशमा समृद्धका ढोकाहरु खोल्ने विश्वास भएपछि जनत चुनावी माहोलमा तातिएका छन् ।
जनताको दैलोमा विकासको मूल फुटाउने काँग्रेसलाई कहिल्यै नबिर्सिने आम सर्वसाधारण यतिबेला बाम गठबन्धनको विरोधमा उत्रिएको दाबी गरे । मकवानपुरको पूर्वी क्षेत्रको मुहार फेर्ने काँग्रेसलाई चुनाव जित्न धेरै दुःख गनुपर्ने आवश्यक नरहेको उनले बताए ।
कार्यक्रममा राप्रपा जिल्ला अध्यक्ष गणेश थापा, पूर्वकेन्द्रीय सदस्य नवराज बिष्ट, राप्रपा सहमहामन्त्री राजाराम बर्तौला, मकवानपुर १ प्रचारप्रसार समिति संयोजक मिठाराम दाहाल र काँग्रेस क्षेत्रीय सभापति दामोदर खनाललगायतले मन्तव्य व्यक्त गरेका थिए ।